തലശേരി: കൊവിഡ് ബാധിച്ച് ചൊക്ലി സ്വദേശി മദീനയില്‍ വച്ച് മരിച്ചു. ചൊക്ലി മേലെ പൂക്കോത്ത് ഇരഞ്ഞിക്കുളങ്ങര എല്‍.പി സ്‌കൂളിന് സമീപം തെക്കെ കുണ്ടില്‍ ബൈത്തു സാറയില്‍ മമ്മുവിന്റെയും ഫൗസിയയുടെയും മകന്‍ ഷബ്‌നാസ്(29) ആണ് മരിച്ചത്. സൗദി ജര്‍മ്മന്‍ ആശുപത്രിയില്‍ വച്ച് ഇന്ന് പുലര്‍ച്ചെ മൂന്ന് മണിയോടെയാണ് മരണപ്പെട്ടത്. കഴിഞ്ഞ ജനുവരി അഞ്ചിനായിരുന്നു വിവാഹം. സൗദിയില്‍ കെ.എഫ്.സി ജീവനക്കാരനായ ഷബ്‌നാസ് മാര്‍ച്ച് പത്തിന് തിരിച്ച് പോയത്. ദിവസങ്ങള്‍ക്ക് മുമ്പ് മദീനയില്‍ വച്ചാണ് കൊവിഡ് സ്ഥിതീകരിച്ചത്. ഭാര്യ: പി.കെ ഷഹനാസ് (കരിയാട് പുനത്തില്‍ പള്ളി). സഹോദരങ്ങള്‍: ഷബീര്‍, ഷബാന.