കണ്ണൂര്‍: സാംസ്‌കാരിക പ്രതിരോധം ഉയര്‍ത്തിയുള്ള ലഘുനാടകവും സംഗീത ശില്‍പ്പവും ഇന്ന് അരങ്ങിലെത്തും. ലൈബ്രറി കൗണ്‍സില്‍ സംഘടിപ്പിക്കുന്ന അക്ഷരായനം കലാജാഥയുടെ ഭാഗമായാണ് ജില്ലയുടെ വിവിധ കേന്ദ്രങ്ങളില്‍ പരിപാടി അവതരിപ്പിക്കുന്നത്.
സാംസ്‌കാരിക പ്രവര്‍ത്തകരും എഴുത്തുകാരും നേരിടുന്ന ഭീഷണിക്കെതിരായും അന്ധവിശ്വാസങ്ങള്‍ക്കും അനാചാരങ്ങള്‍ക്കുമെതിരായ പ്രതികരണവുമായാണ് സാംസ്‌കാരിക ജാഥ പ്രയാണം നടത്തുന്നത്.
സാംസ്‌കാരിക മുന്നേറ്റത്തിന് വായനയും സ്വതന്ത്ര ചിന്തയും എഴുത്തും സംരക്ഷിക്കുക, വൈദ്യുത സുരക്ഷയും ജല സുരക്ഷയും നാടിന്റെ നന്‍മയ്ക്ക് എന്നീ സന്ദേശങ്ങള്‍ ഉയര്‍ത്തി ലൈബ്രറി കൗണ്‍സില്‍ ജില്ലാ സെക്രട്ടറി പി.കെ
ബൈജു നയിക്കുന്ന ജാഥ ശനിയാഴ്ച വൈകീട്ട് അഞ്ചിന് കൊടിയേരി ഈങ്ങയില്‍ പീടികയില്‍ നിന്ന് ആരംഭിക്കും.