പെരുമ്പിലാവ്: ചൊവ്വന്നൂര്‍ ബ്ലോക്ക് പഞ്ചായത്തിന്റെയും, കടവല്ലൂര്‍ ഗവ.ഹൈസക്കൂളിന്റെയും സംയുക്താഭിമുഖ്യത്തില്‍ 1000 ഫലവൃക്ഷങ്ങളാണ് കടവല്ലൂര്‍ കുറ്റിപ്പുറം ചൂണ്ടല്‍ സംസ്ഥാന പാതയില്‍ നട്ടത്.
സാഹിത്യക്കാരനും, സിനിമാതാരവുമായ വി.കെ.ശ്രീരാമന്‍ ആദ്യ തൈ നട്ടുകൊണ്ട് തുടക്കം കുറിച്ചു. തുടര്‍ന്ന് കടവല്ലൂര്‍ ഗ്രാമപഞ്ചായത്ത് പ്രസിഡന്റ് യു.പി.ശോഭന, ചൊവ്വന്നൂര്‍ ബി.പി.ഓ.ജോണ്‍.ബി.പുലിക്കോട്ടില്‍ സ്‌ക്കൂള്‍ പ്രിന്‍സിപ്പാള്‍ കെ.എം.ആരിഫ, എന്നിവര്‍ വൃക്ഷ തൈകള്‍ നട്ടു.
പ്ലാസ്റ്റിക് മാലിന്യ തടയുക എന്ന ലക്ഷ്യത്തോടെ തുണിസഞ്ചികളും വിതരണം ചെയ്തു. സക്കൂള്‍ പ്രധാന അധ്യാപകന്‍ പി.സതീശന്‍, പരിസ്ഥിതി ക്ലബ് കണ്‍വീനര്‍ കെ.എല്‍ മനോഹിത് മാസ്റ്റര്‍, സക്കൂള്‍ പി.ടി.എ.പ്രസിഡന്റ് അച്ചുതന്‍ നേതൃത്വം നല്‍കി. പരിപാടിയോടനുബന്ധിച്ച് പരിസ്ഥിതി ഗാനാലാപലവും, പരിസ്ഥിതി മത്സരവും നടത്തി.