പട്യാല: ലോക്ക് ഡൗണ്‍ ലംഘിച്ച് പുറത്തിറങ്ങിയത് ചോദ്യം ചെയ്ത പൊലിസിന് നേരെ ആക്രമണം. പച്ചക്കറി മാര്‍ക്കറ്റില്‍ രാവിലെ എത്തിയ അഞ്ചംഗ സംഘത്തെ പൊലീസ് തടഞ്ഞ് പരിശോധിച്ചിരുന്നു. ഇതിനിടെയാണ് അക്രമം. സംഘര്‍ഷത്തില്‍ ഒരു പൊലീസ് ഉദ്യോഗസ്ഥന്റെ കൈക്ക് വെട്ടേറ്റു. മൂന്നു പൊലീസുകാര്‍ക്കും പരിക്കേറ്റു.

തുടര്‍ന്ന് പാട്യാലയില്‍ വന്‍ പൊലീസ് സംഘത്തെ നിയോഗിച്ചു. മെയ് ഒന്ന് വരെ ലോക്ക് ഡൗണ്‍ നീട്ടിയ സംസ്ഥാനമാണ് പഞ്ചാബ്. കടകള്‍ തുറക്കാന്‍ പറ്റാത്തതില്‍ വ്യാപാരികള്‍ക്കിടയില്‍ അമര്‍ഷം പുകയുകയാണെന്ന് നേരത്തെ വാര്‍ത്തകള്‍ വന്നിരുന്നു. ഇതിനിടെയാണ് സംഘര്‍ഷം.

അതേ സമയം മുഴുവന്‍ പ്രതികളെയും അറസ്റ്റ് ചെയ്തുവെന്ന് പൊലീസ് അറിയിച്ചു. എഎസ്ഐ ഹര്‍ജീത്ത് സിങിന്റെ കൈയ്യാണ് ജനക്കൂട്ടം വെട്ടിമാറ്റിയത്. പൊലീസുകാരനെ അടിയന്തര ശസ്ത്രക്രിയക്ക് വിധേയമാക്കി.