മോസ്‌ക്കോ: ലോകകപ്പിനെത്തുന്ന ടീമുകളേയും വിവിധ രാജ്യങ്ങളില്‍ നിന്ന് കളി നേരില്‍ കാണാനായി എത്തുന്ന ഫുട്‌ബോള്‍ പ്രേമികളേയും സ്വാഗതം ചെയ്ത് റഷ്യന്‍ പ്രസിഡന്റ് വ്‌ളാദിമിര്‍ പുടിന്‍.
''ഈ ഗ്രഹത്തിലെ എല്ലാ മഹത്തായ ഫുട്‌ബോള്‍ ടീമുകള്‍ക്കും എല്ലാ കാല്‍പന്ത് പ്രേമികള്‍ക്കും റഷ്യയിലേക്ക് സ്വാഗതം. എല്ലാവരും ഞങ്ങളുടെ ആതിഥേയരാണ്. സ്വന്തം വീട് പോലെ റഷ്യയെ കരുതണം. മഹത്തായ ഫുട്‌ബോള്‍ കുടുംബത്തിലെ അംഗങ്ങളായി നില്‍ക്കാന്‍ കഴിഞ്ഞതില്‍ ഞങ്ങള്‍ അതിരില്ലാത്ത ആനന്ദം അനുഭവിക്കുന്നു. ലോകകപ്പിന് വേദിയൊരുക്കാന്‍ സാധിച്ചത് ഞങ്ങള്‍ക്ക് ലഭിക്കുന്ന മഹത്തായ ബഹുമതിയാണ്. വൈകാരിക മുഹൂര്‍ത്തങ്ങള്‍ നിറഞ്ഞ്, ഈ ലോകകപ്പ് ആഘോഷത്തിന്റേതാക്കി, മറക്കാനാവാത്ത അനുഭവമാക്കി മാറ്റാന്‍ ഫുട്‌ബോള്‍ പ്രേമികള്‍ക്ക് സാധിക്കുമെന്ന് ഞാന്‍ പ്രത്യാശിക്കുന്നു. റഷ്യയുടെ സ്വത്വം അറിയാനും രാജ്യത്തിന്റെ സംസ്‌കാരവും സമാനതകളില്ലാത്ത ചരിത്രവും അനുഭവിക്കാനും അതിഥികള്‍ക്ക് ലഭിക്കുന്ന അപൂര്‍വ നിമിഷമാണ് ലോകകപ്പ് പോരാട്ടം. ആതിഥേയര്‍ക്ക് ഏറ്റവും മികച്ചത് തന്നെ ഒരുക്കാന്‍ രാജ്യം പ്രതിജ്ഞാബധമാണ്. ഞങ്ങളുടെ രാജ്യവും ഹൃദയങ്ങളും ലോകത്തിന് മുന്നില്‍ തുറന്നിടുന്നു''