മുക്കം: ശക്തമായ കാറ്റിനെയും മഴയെയും തുടര്‍ന്ന് നാശനഷ്ടങ്ങള്‍ സംഭവിച്ചവര്‍ക്ക് അടിയന്തരമായി നഷ്ടപരിഹാരം നല്‍കണമെന്ന് മുസ്‌ലിം ലീഗ് മണ്ഡലം പ്രസിഡന്റ് സി.കെ കാസിം ആവശ്യപ്പെട്ടു.
നഷ്ടങ്ങളുടെ കണക്ക് വളരെ പെട്ടെന്ന് കണക്കാക്കുന്നതിന് മേഖലയിലെ വില്ലേജ്, കൃഷി ഓഫിസുകളിലേക്ക് മറ്റിടങ്ങളില്‍നിന്ന് താല്‍ക്കാലികമായി ഉദ്യോഗസ്ഥരെ വിന്യസിക്കണമെന്നും അദ്ദേഹം ആവശ്യപ്പെട്ടു.
മേഖലയില്‍ വൈദ്യുതി ബന്ധം വിഛേദിക്കപ്പെടുന്നത് സമയബന്ധിതമായി പുനസ്ഥാപിക്കുന്നതിന് വേണ്ടി കൂടുതല്‍ ജീവനക്കാരെ കെ.എസ്.ഇ.ബി സെക്ഷന്‍ ഓഫിസുകളില്‍ താല്‍ക്കാലികമായി നിയമിക്കണമെന്ന് ആവശ്യപ്പെട്ട് ജില്ല കലക്ടര്‍ക്ക് നിവേദനം നല്‍കിയിട്ടുണ്ടെന്നും അദ്ദേഹം അറിയിച്ചു.