ബോവിക്കാനം: രജത ജൂബിലി ആഘോഷങ്ങളുടെ ഭാഗമായി ജില്ലയിലെ ഏക ഓപ്ഷന്‍ ഫെസിലിറ്റേഷന്‍ സെന്റര്‍ ആയ എല്‍.ബി.എസ് എന്‍ജിനിയറിങ് കോളജ് വിദ്യാര്‍ഥികള്‍ക്കും രക്ഷിതാക്കള്‍ക്കുമായി പ്ലസ് ടുവിന് ശേഷമുള്ള വിവിധ കോഴ്‌സുകളെ കുറിച്ചും സാധ്യതകളെ കുറിച്ചും ഓണ്‍ലൈന്‍ ഓപ്ഷന്‍ രജിസ്‌ട്രേഷനും എന്‍ജിനിയറിങ് ശാഖകളുടെ ഉള്ളടക്കം, സാധ്യതകള്‍ എന്നിവയെ കുറിച്ചും പരിശീലനപരിപാടി നടത്തി. പ്രിന്‍സിപ്പാള്‍ ഡോ. മുഹമ്മദ് ഷുക്കൂര്‍ പരിപാടി ഉദ്ഘാടനം ചെയ്തു.
പ്ലസ് ടുവിന് ശേഷമുള്ള വിവിധ കോഴ്‌സുകളെ കുറിച്ചും സാധ്യതകളെ കുറിച്ചും പ്രശസ്ത കോളമിസ്റ്റും കരിയര്‍ വിദഗ്ദ്ധനും കേരള അനിമല്‍ സയന്‍സ് ആന്‍ഡ് വെറ്ററിനറി യൂനിവേഴ്‌സിറ്റി എന്റര്‍പ്രണര്‍ഷിപ് വിഭാഗം മുന്‍ ഡയരക്ടറും ആയ ഡോ. ടി.പി സേതുമാധവന്‍ ക്ലാസെടുത്തു.