റിയാദ്: സഊദിയിൽ റമദാനിൽ കർഫ്യു സമയത്തിൽ മാറ്റം വരുത്തിയതായി സഊദി ആഭ്യന്തര മന്ത്രാലയം അറിയിച്ചു. റമദാനിൽ രാവിലെ 9 മുതല്‍ അഞ്ച് വരെ മാത്രമായിരിക്കും പുറത്തിറങ്ങാനുള്ള സമയം. നിലവിൽ 24 മണിക്കൂർ കർഫ്യു ബാധകമല്ലാത്ത സ്ഥലങ്ങളിലാണ് പുതിയ സമയ ക്രമീകരണം ബാധകം. വൈകീട്ട് മൂന്ന് മണിക്ക് നിലവില്‍ കര്‍ഫ്യൂ ഉള്ള സ്ഥലങ്ങളിലെല്ലാം രാവിലെ 9 മുതല്‍ അഞ്ച് വരെ മാത്രമായിരിക്കും പൊതുജനത്തിന് പുറത്തിറങ്ങാനാകൂ. 24 മണിക്കൂര്‍ കര്‍ഫ്യൂ ഇല്ലാത്ത സ്ഥലങ്ങളിലെല്ലാം കര്‍ഫ്യൂ സമയം റമദാനില്‍ വൈകീട്ട് അഞ്ച് മുതല്‍ രാവിലെ 9 വരെയായിരിക്കും.

  നിലവില്‍ 24 മണിക്കൂര്‍ കര്‍ഫ്യൂ പ്രാബല്യത്തിലുള്ള മേഖലയില്‍ രാവിലെ ആറ് മുതല്‍ മൂന്ന് വരെയാണ് ഇപ്പോള്‍ അവശ്യ വസ്തുക്കള്‍ വാങ്ങാന്‍ പുറത്തിറങ്ങാനുള്ള സമയം. റമദാനിൽ ഇത് രാവിലെ ഒമ്പത് മുതല്‍ അഞ്ച് വരെയായിരിക്കും അനുവദിക്കുക. നേരത്തെ മക്ക, മദീന, ജിദ്ദ, ദമാം തുടങ്ങിയ നഗരങ്ങളിൽ പൂർണമായും ലോക്ഡൗൺ ചെയ്‌ത പ്രത്യേക മേഖലകളിലുള്ളവർക്ക് ഇളവുകൾ ബാധകമല്ല. ഇവർ ക്വാറന്റൈനില്‍ തന്നെ മുഴുസമയവും തുടരണമെന്നാണ് നിർദേശം.