കാലടി: ഉന്നത വിദ്യാഭ്യാസ മേഖലയിലെ മികവാര്‍ന്ന പ്രവര്‍ത്തനം ശ്രീ ശങ്കരാചാര്യ സംസ്‌കൃത സര്‍വകലാശാലയെ ശ്രദ്ധേയമാക്കിയെന്നും ഇത് മറ്റ് സര്‍വകലാശാലകള്‍കും മാതൃകയാണന്നുംമന്ത്രി എ.കെ ബാലന്‍ പറഞ്ഞു.
കാലടി ശ്രീ ശങ്കരാചാര്യ സംസ്‌കൃത സര്‍വകലാശാലയിലെ സമ്പൂര്‍ണ്ണ ഇ ക്യാംപസ് പദ്ധതിയുടെ ഉദ്ഘാടനവും ബിസിനസ് ഇന്‍കുബേഷന്‍ സെന്ററിന്റെയും ഫൈന്‍ ആര്‍ട്ട്‌സ് കോംപ്ലക്‌സ് രണ്ടണ്ടാം ഘട്ട നിര്‍മാണ പ്രവര്‍ത്തനത്തിന്റെയും ശിലാസ്ഥാപനവും നിര്‍വഹിക്കുകയായിരുന്നു അദ്ദേഹം. റോജി എം. ജോണ്‍ എം.എല്‍.എ അധ്യക്ഷത വഹിച്ചു. വൈസ് ചാന്‍സിലര്‍ ഡോ.എം.സി ദിലീപ് കുമാര്‍ ആമുഖ പ്രഭാഷണം നടത്തി. പ്രൊഫസര്‍ മോഹന്‍ദാസ് പദ്ധതി വിശദീകരിച്ചു.
കാലടി പഞ്ചായത്ത് പ്രസിഡന്റ് കെ. തുളസി ടീച്ചര്‍, ജില്ലാ പഞ്ചായത്ത് അംഗം ശാരദാ മോഹന്‍, പ്രൊഫസര്‍ കെ.കെ വിശ്വനാഥന്‍, ഡോ.വി.ജി ഗോപാലകൃഷ്ണന്‍, ഡോ. ടി.ആര്‍ ഹേമലത തുടങ്ങിയവര്‍ സംസാരിച്ചു.