തിരുവനന്തപുരം: കേരളത്തിലെ സര്‍വകലാശാലകളിലേക്കും സ്വാശ്രയ കോളജുകളിലേക്കുമുള്ള എം.ബി.എ 2019 പ്രവേശനത്തിന് കുസാറ്റിന്റെ ആഭിമുഖ്യത്തിലും പ്രവേശനമേല്‍നോട്ട സമിതിയുടെ നിയന്ത്രണത്തിലും നടത്തിയ കെമാറ്റ് കേരള 2019 പരീക്ഷാഫലം പ്രസിദ്ധീകരിച്ചു.

12 ജില്ലകളിലെ 29 കേന്ദ്രങ്ങളിലായി 8,597 പേരാണ് പരീക്ഷ എഴുതിയത്. ആല്‍ബര്‍ട്ട് ജെ.അണ്ടൂര്‍ (അണ്ടൂര്‍, ഊന്നുകള്‍ ഉപ്പുകുളം റോഡ്, എറണാകുളം) 716ല്‍ 493 മാര്‍ക്ക് നേടി ഒന്നാം റാങ്ക് കരസ്ഥമാക്കി. റിഹാന റീസാ (ജി.എന്‍.ആര്‍.എ 113, മാങ്കുഴി, തിരുവനന്തപുരം) 461 മാര്‍ക്കോടെ രണ്ടാം റാങ്കും, എ. റഫ്ഖാന്‍സ് (നോര്‍ത്ത് ഏന്‍ഡ്, വെല്ലിങ്ടണ്‍ ഐലന്‍ഡ് കൊച്ചി) 453 മാര്‍ക്കോടെ മൂന്നാം റാങ്കും കരസ്ഥമാക്കി. സ്‌കോര്‍ കാര്‍ഡ് മാര്‍ച്ച് ഒന്നു മുതല്‍ എം.ബി.എ അഡ്മിഷന്‍ അവസാന തിയതി വരെ വെബ്‌സൈറ്റില്‍ ലഭിക്കും.