ഇരിട്ടി (കണ്ണൂര്‍): കീഴൂരില്‍ സ്‌ഫോടനത്തില്‍ സി.പി.എം പ്രവര്‍ത്തകന്റെ കൈപ്പത്തി ചിതറി. കീഴൂര്‍ കണ്ണ്യത്ത് മടപ്പുരക്കടുത്ത് പുളിയില്‍ ഹേമന്തിനാണ് (26) പരുക്കേറ്റത്. വെള്ളിയാഴ്ച ഉച്ചയ്ക്ക് 12ഓടെ മടപ്പുരയ്ക്കു സമീപത്തെ വയലിലായിരുന്നു സ്‌ഫോടനം. സംഭവത്തില്‍ ഹേമന്തിന്റെ കൈവിരല്‍ അറ്റുപോയി. കണ്ണൂര്‍ എ.കെ.ജി ആശുപത്രിയില്‍ പ്രവേശിപ്പിച്ച ഇയാളെ അടിയന്തിര ശസ്ത്രക്രിയക്ക് വിധേയനാക്കി.
പന്നിപ്പടക്കമാണ് പൊട്ടിയതെന്ന് ദൃക്‌സാക്ഷികള്‍ പറയുന്നതെങ്കിലും സംഭവത്തില്‍ ദുരൂഹതയുണ്ടെന്ന് നാട്ടുകാര്‍ സൂചിപ്പിച്ചു.