മയ്യില്‍: സഫ്ദര്‍ ഹാശ്മി ഗ്രന്ഥാലയം തായംപൊയില്‍ ലൈബ്രറി മന്ദിരം ഉദ്ഘാടനത്തിന്റെ ഭാഗമായി സംഘടിപ്പിക്കുന്ന കടൂര്‍ ഗ്രാമോത്സവത്തിനു തുടക്കമായി.
കണ്ണൂര്‍ സര്‍വകലാശാല കലാതിലകം പി അനശ്വരയും സഖാവ് കവിതയിലൂടെ ശ്രദ്ധേയയായ ഗായിക ആര്യ ദയാലും ചേര്‍ന്ന് ഉദ്ഘാടനം ചെയ്തു. സി.പി നാസര്‍ അധ്യക്ഷനായി. സംസ്ഥാന സ്‌കൂള്‍ കലോത്സവത്തില്‍ കവിതാരചനയില്‍ ഒന്നാം സ്ഥാനം നേടിയ എ അഞ്ജിതയ്ക്ക് യുവസംവിധായകന്‍ എച്ച്.എന്‍ ഷിജോയ് ഉപഹാരം നല്‍കി ആദരിച്ചു. നാടക പ്രവര്‍ത്തകന്‍ ബിജു ഇരിണാവ്, നൃത്തസംവിധായകന്‍ നാസര്‍ പറശിനി, രാധാകൃഷ്ണന്‍ മാണിക്കോത്ത്, വി.വി ഗോവിന്ദന്‍, പി.പി സതീഷ് കുമാര്‍, കെ.സി ശ്രീനിവാസന്‍ സംസാരിച്ചു.