റിയാദ്: സഊദിയിൽ കഴിഞ്ഞ 24 മണിക്കൂറിനിടെ വൈറസ് ബാധയേറ്റു 09 പേർ മരിച്ചതായും 1905 പേർക്ക് പുതുതായി വൈറസ് ബാധ സ്ഥിരീകരിച്ചതായും സഊദി ആരോഗ്യ മന്ത്രാലയം അറിയിച്ചു. ആരോഗ്യ മന്ത്രാലയ വക്താവ് ഡോ: മുഹമ്മദ് അബ്ദുൽ ആലി നടത്തിയ വാർത്താ സമ്മേളനത്തിലാണ് രാജ്യത്തെ ഏറ്റവും പുതിയ വൈറസ് ബാധ വിവരങ്ങൾ വ്യക്തമാക്കിയത്. ഇതോടെ രാജ്യത്തെ വൈറസ് ബാധയേറ്റുള്ള മരണം 273 ആയും വൈറസ് ബാധിതർ 44830 ആയും ഉയർന്നിട്ടുണ്ട്. ഇവരിൽ 26935 ആളുകളാണ് ചികിത്സയിൽ കഴിയുന്നത്. ഇവരിൽ 147 രോഗികൾ അതീവ ഗതരാവസ്ഥയിലായെന്നും അദ്ദേഹം അറിയിച്ചു. ഇന്ന് 2365 രോഗികളാണ് രോഗ മുക്തി നേടിയത്. ഇതോടെ രാജ്യത്തെ ആകെ രോഗ മുക്തി നേടിയവരുടെ എണ്ണം 17622  ആയും ഉയർന്നു.

#الصحة⁩ تعلن عن تسجيل (1905) حالة إصابة جديدة بفيروس ⁧#كورونا⁩ الجديد (كوفيد19)، وتسجيل (9) حالات وفيات رحمهم الله، وتسجيل (2365) حالة تعافي ليصبح إجمالي عدد الحالات المتعافية (17,622) حالة ولله الحمد. pic.twitter.com/zgT42leapU

— و ز ا ر ة ا لـ صـ حـ ة السعودية (@SaudiMOH) May 13, 2020

    ബുധനാഴ്ച്ച സ്ഥിരീകരിച്ച കണക്കുകൾ ഇങ്ങനെയാണ്: റിയാദ്: 673, ജിദ്ദ 338, മക്ക 283, ദമാം 147, ഹുഫൂഫ് 67, മദീന 64, ജുബൈൽ 52, ത്വായിഫ് 50, ഖോബാർ 47, തബൂക് 35, മജ്മഅ 30, ദിരിയ 18, ദഹ്‌റാൻ 14, ഉംലുജ് 13, ബൈഷ് 11, അൽഖർജ് 06, സൽവ, സ്വഫ്‌വ 04 വീതം, അൽ ജഫർ, ഖത്വീഫ്, ബഖീഖ്, അൽ ഖുർമ 03 വീതം, അൽഖഫ്ജി, ഖാറിയതുൽ ഉൽയ, റാസ്‌തന്നൂറ, റാബിഗ്, ഖർഅ, ഖുൻഫുദ, 02 വീതം, അബഹ, നാരിയ, ബുറൈദ, ഉനൈസ, അൽ റസ്, ഹദ്ദ, ലൈത്, മഖ്‌വ, നജ്‌റാൻ, ഹോത്ത ബനീതമീം, അൽ ദലിം, വാദി അൽദവാസിർ, ദവാദ്മി, അൽറൈൻ, അൽ സുലൈൽ, അസുൽഫി, റൗദ അൽ അറദ് എന്നിവിടങ്ങളിൽ ഓരോ കേസുകളുമാണ് സ്ഥിരീകരിച്ചത്.