അരീക്കോട്: സംസ്ഥാന സര്‍ക്കാറിന്റെ 'ഹഡ' പദ്ധതിയുടെ പ്രവര്‍ത്തനം നിര്‍ത്തലാക്കുന്നു. സംസ്ഥാനത്തെ മലയോര മേഖലയുടെ പശ്ചാത്തലസൗകര്യ വികസനം ലക്ഷ്യമാക്കിക്കൊണ്ടണ്ട് കഴിഞ്ഞ യു.ഡി.എഫ് ഭരണകാലത്ത് ആസൂത്രണ വകുപ്പിന് കീഴില്‍ ആരംഭിച്ച ഹില്‍ ഏരിയ ഡവലപ്‌മെന്റ് ഏജന്‍സി (ഹഡ)പദ്ധതിയാണ് പാതിവഴിയില്‍ സംസ്ഥാന സര്‍ക്കാര്‍ നിര്‍ത്തലാക്കുന്നത്. ഹഡയുടെ പ്രവര്‍ത്തനങ്ങള്‍ അവസാനിപ്പിക്കുന്നതിന്റെ ഭാഗമായി സംസ്ഥാന സര്‍ക്കാര്‍ ഹഡ ഓഫിസ് അധികൃതരോട് ആസ്തിബാധ്യത കണക്കുകള്‍ സമര്‍പ്പിക്കാനാവശ്യപ്പെട്ടിട്ടുണ്ടണ്ട്. വികേന്ദ്രീകൃത ആസൂത്രണത്തെ ഹഡ പദ്ധതി തകിടംമറിക്കുമെന്നതാണ് പദ്ധതി നിര്‍ത്തലാക്കാന്‍ സര്‍ക്കാര്‍ പറയുന്ന ന്യായം.
പുതിയ സാമ്പത്തിക വര്‍ഷത്തെ ബജറ്റില്‍ ഹഡക്ക് ഒരു രൂപ പോലും നീക്കിവച്ചിട്ടുമില്ല. മാത്രമല്ല മുന്‍ സാമ്പത്തിക വര്‍ഷങ്ങളില്‍ പൂര്‍ത്തീകരിക്കാനാവാത്ത പ്രവൃത്തികള്‍ക്ക് സ്പില്‍ ഓവറായി നീക്കിവച്ചിട്ടുള്ളത് ഏകദേശം 10 കോടി രൂപ മാത്രമാണ്. ജീവനക്കാരുടെ ശമ്പളത്തിനായും മറ്റുമുള്ള ഓതറൈസേഷന്‍ ഫയലുകള്‍ ആസൂത്രണ വകുപ്പ് കൈകാര്യംചെയ്യുന്ന മുഖ്യമന്ത്രിയുടെ ഓഫിസില്‍ മാസങ്ങളായി കിടക്കുകയാണ്.
2012 മുതല്‍ 2016 വരെ അന്നത്തെ ആസൂത്രണ വകുപ്പ് മന്ത്രി കെ.സി ജോസഫ് ചെയര്‍മാനും മുന്‍ എം.എല്‍.എ എന്‍.ഡി അപ്പച്ചന്‍ വൈസ് ചെയര്‍മാനുമായാണ് ഹഡ രൂപീകരിച്ചത്. ആലപ്പുഴ ഒഴിച്ചുള്ള 13 ജില്ലകളിലായി ഏകദേശം 250 കോടി രൂപയാണ് വികസന പ്രവര്‍ത്തനങ്ങള്‍ക്കായി ചെലവഴിച്ചത്. ഇതിന് പുറമെ നബാര്‍ഡും വലിയ തോതില്‍ ഹഡക്ക് സാമ്പത്തിക സഹായം നല്‍കിയിരുന്നു.
മലയോര മേഖലയുടെ പശ്ചാത്തല സൗകര്യ വികസനത്തിനായി സൊസൈറ്റീസ് ആക്ട് പ്രകാരം രൂപീകരിച്ച സംവിധാനമാണ് ഹഡ. ഇതിന്റെ ഭാഗമായി റോഡുകള്‍, ചെക്ക് ഡാമുകള്‍, കുടിവെള്ള പദ്ധതികള്‍ എന്നിവക്ക് പുറമേ കാര്‍ഷിക വൃത്തിയുടെ പുരോഗതിക്കും കോടികള്‍ ഹഡ വഴി ചെലവഴിച്ചിട്ടുണ്ടണ്ട്.
ക്ഷീര വികസനത്തിനായി ഏകദേശം 10 കോടി രൂപയാണ് നാലു വര്‍ഷത്തിനിടെ ചെലവഴിച്ചത്. മാര്‍ക്കറ്റ് വിലയേക്കാള്‍ 25 ശതമാനം വരെ അധിക പണം കര്‍ഷകര്‍ക്ക് നല്‍കി എല്ലാ തരത്തിലുമുള്ള പഴങ്ങളും സംഭരിച്ച്, സംസ്‌കരിച്ച് വിദേശങ്ങളിലേക്കടക്കം കയറ്റുമതി ചെയ്യുന്ന പദ്ധതി ഫല കര്‍ഷകര്‍ക്ക് ഒരു പരിധി വരെ ആശ്വാസമായിരുന്നു.
ചക്ക കര്‍ഷകര്‍ക്ക് ഇത് സാമ്പത്തികമായി വലിയ നേട്ടം തന്നെ ഉണ്ടണ്ടാക്കിയിരുന്നു. വയനാട്ടിലെ അമ്പലവയലിലെ കാര്‍ഷിക സര്‍വകലാശാലയുമായി ചേര്‍ന്നാണ് ഹഡ ഈ പദ്ധതി നടപ്പിലാക്കിയിരുന്നത്. നെല്‍ സംഭരണം, ബ്രാന്‍ഡഡ് അരി വില്‍പ്പനയൊക്കെ ഇതില്‍ ഉള്‍പ്പെട്ടിരുന്നു.
വയനാട്, മലപ്പുറം, കണ്ണൂര്‍,പാലക്കാട്, ഇടുക്കി, പത്തനംതിട്ട ജില്ലകളിലായി കോടികളുടെ അധിക പ്രവൃത്തികളാണ് ഹഡ വഴി നടപ്പിലാക്കിയത്. കണ്ണൂരിലെ ഇരിക്കൂര്‍, വയനാട്ടിലെ കല്‍പ്പറ്റ, സുല്‍ത്താന്‍ ബത്തേരി, മാനന്തവാടി മലപ്പുറം ജില്ലയില്‍ ഊര്‍ങ്ങാട്ടിരി, ചാലിയാര്‍ പഞ്ചായത്തുകളിലും വണ്ടണ്ടൂര്‍, നിലമ്പൂര്‍ നിയോജക മണ്ഡലങ്ങളിലുമാണ് ഏറ്റവും കൂടുതല്‍ ഹഡ പ്രവൃത്തികള്‍ ഉപകാരപ്പെട്ടിട്ടുള്ളത്. ന്യായമായ കാരണങ്ങളില്ലാതെ പദ്ധതി നിര്‍ത്തലാക്കുന്നത് മലയോര കുടിയേറ്റ കര്‍ഷകരോടുള്ള അവഗണനയായാണ് വിലയിരുത്തപ്പെടുന്നത്.