തിരുവനന്തപുരം: കേരളത്തില്‍നിന്ന് 33,000 അതിഥി തൊഴിലാളികളുമായി 29 ട്രെയിനുകള്‍ ഇതുവരെ വിവിധ സംസ്ഥാനങ്ങളിലേക്ക് സര്‍വിസ് നടത്തി. റോഡു വഴി കേരളത്തിലേക്കു വരാന്‍ 2,85,880 പേരാണ് രജിസ്റ്റര്‍ ചെയ്തിട്ടുള്ളത്. ഇതുവരെ പാസ് നല്‍കിയത് 1,23,972 പേര്‍ക്കാണ്. ചെക്ക്‌പോസ്റ്റുകളിലൂടെ 47,151 പേര്‍ ഇതിനകം സംസ്ഥാനത്തെത്തി. ട്രെയിന്‍ വഴി സംസ്ഥാനത്തേക്ക് എത്താന്‍ പാസ് നല്‍കിയത് 4694 പേര്‍ക്കാണ്.
ബംഗളൂരു-തിരുവനന്തപുരം ഐലന്റ് എക്‌സ്പ്രസ് എല്ലാ ദിവസവും സര്‍വിസ് നടത്താന്‍ ഉദ്ദേശിക്കുന്നതായും റെയില്‍വെ അറിയിച്ചു.

അത് നോണ്‍ എസി ട്രെയിന്‍ ആക്കിയേക്കും. മെയ് 18 മുതല്‍ ജൂണ്‍ 14 വരെ അതിഥിതൊഴിലാളികളെ അയക്കാന്‍ 28 ട്രെയിനുകള്‍ പശ്ചിമ ബംഗാളിലേക്ക് സര്‍വിസ് നടത്തും.