ന്യൂയോര്‍ക്ക്്: തുര്‍ക്കി വിമാനം ആകാശച്ചുഴിയില്‍പ്പെട്ട് 30 പേര്‍ക്ക് പരുക്ക്. ഇസ്താംബൂളില്‍ നിന്ന് ന്യൂയോര്‍ക്കിലേക്ക് പുറപ്പെട്ട തുര്‍ക്കി ബോയിങ് 777 വിമാനമാണ് ലാന്‍ഡ് ചെയ്യുന്നതിന്റെ മുന്‍പ് ചുഴിയില്‍പ്പെട്ടതെന്ന് അധികൃതര്‍ അറിയിച്ചു. പരുക്കേറ്റവരെ ന്യൂയോര്‍ക്കിലെ ജോണ്‍ എഫ് കെന്നഡി അന്താരാഷ്ട്ര വിമാനത്താവളത്തിലെ പ്രാദേശിക ആശുപത്രിയില്‍ പ്രവേശിപ്പിച്ചു.

വിമാന ജീവനക്കാരന്റെ കാലിന്റെ എല്ലിന് ക്ഷതം സംഭവിച്ചെന്ന് ന്യൂയോര്‍ക്ക്, ന്യൂജഴ്‌സി വിമാനത്താവള വക്താവ് സ്റ്റീവ് കോള്‍മാന്‍ പറഞ്ഞു. 326 യാത്രക്കാരും 21 ജീവനക്കാരുമാണ് വിമാനത്തിലുണ്ടായിരുന്നത്. വിമാനം ലാന്‍ഡ് ചെയ്യുന്നതിന്റെ മുന്‍പ് അറ്റ്‌ലാന്‍ഡിക് സമുദ്രത്തിന്റെ മുകളില്‍വച്ചാണ് ചുഴിയില്‍പ്പെട്ടത്. സംഭവത്തില്‍ തുര്‍ക്കി വിമാന അധികൃതര്‍ പ്രതികരിച്ചിട്ടില്ല.