തിരുവനന്തപുരം: വിദ്യാര്‍ഥികള്‍ക്കിടയില്‍ കഞ്ചാവ് വിതരണം ചെയ്യുന്ന സംഘത്തിലെ ഒരാള്‍ അറസ്റ്റില്‍. കേശവദാസപുരം ദേവസ്വം ലൈനില്‍ എബി ജോസഫ് (30) ആണ് പിടിയിലായത്. സ്‌കൂള്‍ അവധിക്കാലത്തേക്കു വേïി കൂടുതല്‍ കഞ്ചാവ് സ്റ്റോക്ക് ചെയ്യുന്നതിനിടെയാണ് ഇയാള്‍ പിടിയിലായത്.
തിരുവനന്തപുരം ഡി.സി.പിക്കു ലഭിച്ച രഹസ്യവിവരത്തിന്റെ അടിസ്ഥാനത്തില്‍ കഴക്കൂട്ടം സൈബര്‍ സിറ്റി അസി. കമ്മിഷണര്‍ വിദ്യാധരന്റെ നിര്‍ദേശപ്രകാരം മെഡിക്കല്‍ കോളജ് സബ് ഇന്‍സ്‌പെക്ടര്‍മാരായ കെ.ജി ശ്യാംകുമാര്‍, എ.എസ്.ഐ പുഷ്പരാജ്, ഗോപകുമാര്‍, ഡബ്ല്യു.എസ് സി.പി.ഒ ബാലാംബിക, സി.പി.ഒമാരായ അനില്‍, ബൈജു, ഗോകുല്‍, ശ്രീജിത്, അരുണ്‍, ശ്രീനിവാസന്‍, രഞ്ജിത് എന്നിവടങ്ങിയ അന്വേഷണ സംഘമാണ് ഇയാളെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.