കൊണ്ടോട്ടി: കരിപ്പൂര്‍ വിമാനത്താവളം വഴി അനധികൃതമായി കടത്താന്‍ ശ്രമിച്ച 13,96,574 രൂപ മൂല്യമുള്ള വിദേശ കറന്‍സി പിടികൂടി. സ്‌പൈസ്‌ജെറ്റ് വിമാനത്തില്‍ ദുബൈലേക്ക് പോകാനെത്തിയ
കാസര്‍കോട് മുളിയാര്‍ മുതലപ്പാറ സ്വദേശി ഹംസ സൈനു (29)വിന്റെ ബാഗേജില്‍ നിന്നാണ് വിദേശ കറന്‍സികള്‍ സി.ഐ.എസ്.എഫ് കണ്ടെടുത്തത്.
ഹാന്‍ഡ് ബാഗേജില്‍ തുണികള്‍ക്കിടയില്‍ ഒളിച്ചുവച്ച നിലയില്‍ ആയിരുന്നു വിദേശ കറന്‍സികള്‍. യു.എ.ഇ ദിര്‍ഹം, പൗണ്ട് , കുവൈത്ത് ദിനാര്‍, ബഹറിന്‍ ദിനാര്‍ എന്നിവയാണ് കണ്ടെത്തിയത്. ഇയാളെ പിന്നീട് കസ്റ്റംസ് വിഭാഗത്തിന് കൈമാറി. പ്രതിയുടെ യാത്ര റദ്ദാക്കി കസ്റ്റംസ് കസ്റ്റഡിയില്‍ എടുത്തു. സ്വര്‍ണക്കടത്താനായാണ് ഇയാള്‍ കറന്‍സി കടത്തിയതെന്നാണ് കസ്റ്റംസ് കരുതുന്നത്.