തിരുവനന്തപുരം: കേരള സര്‍വകലാശാല അവസാന വര്‍ഷ പരീക്ഷകള്‍ ജൂണ്‍ രണ്ടു മുതല്‍ ആരംഭിക്കും. പ്രൈവറ്റ് രജിസ്‌ട്രേഷന്‍ (അവസാന വര്‍ഷം) ജൂണ്‍ മൂന്നു മുതലും വിദൂര വിദ്യാഭ്യാസം അഞ്ച്, ആറ് സെമസ്റ്റര്‍ പരീക്ഷകള്‍ ജൂണ്‍ രണ്ടു മുതലും നടക്കും.
പത്താം സെമസ്റ്റര്‍ ഇന്റഗ്രേറ്റഡ് എല്‍.എല്‍.ബി പരീക്ഷകള്‍ ജൂണ്‍ 22 മുതലും ആറാം സെമസ്റ്റര്‍ യൂണിറ്ററി എല്‍.എല്‍.ബി പരീക്ഷകള്‍ ജൂണ്‍ 23 മുതലും ആരംഭിക്കും.
ജൂണ്‍ ഒന്നിന് ഓണ്‍ലൈന്‍ ക്ലാസുകള്‍ നടത്തുന്നതിനു വേണ്ട ക്രമീകരണങ്ങള്‍ അതത് കോളജ് പ്രിന്‍സിപ്പാള്‍മാര്‍ ഒരുക്കണം.
പരീക്ഷകേന്ദ്രങ്ങളില്‍ മാറ്റം വേണ്ട അവസാന വര്‍ഷ വിദ്യാര്‍ഥികള്‍ സര്‍വകലാശാല സ്റ്റുഡന്റ് പോര്‍ട്ടലില്‍ ലോഗിന്‍ ചെയ്ത് പരീക്ഷകേന്ദ്രങ്ങള്‍ തിരഞ്ഞെടുക്കണം. പരീക്ഷകേന്ദ്രങ്ങള്‍ തിരഞ്ഞെടുക്കുവാനുള്ള അവസാന തിയതി മെയ് 24.