കോഴിക്കോട്: മലയാളത്തിന്റെ സുകൃതമായി മാറിയ സുപ്രഭാതം ദിനപത്രത്തിന്റെ ഭാവി പദ്ധതികള്‍ ആവിഷ്‌കരിക്കാനായി സമസ്ത നേതൃ സംഗമം ചേളാരിയില്‍ നടക്കും. സുപ്രഭാതം കാംപയിനിന്റെ ഭാഗമായുള്ള സംഗമത്തിനു അന്തിമ രൂപമായി. ജൂണ്‍ 30 ശനിയാഴ്ച രാവിലെ 10 മണിക്ക് ചേളാരി സമസ്താലയത്തിലാണ് നേതൃസംഗമം നടക്കുന്നത്. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. ഇഖ്‌റഅ് പബ്ലിക്കേഷന്‍ ട്രഷറര്‍ പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷനാകും. സമസ്ത ജനറല്‍ സെക്രട്ടറി പ്രൊഫ.കെ.ആലിക്കുട്ടി മുസ്‌ലിയാര്‍ മുഖ്യപ്രഭാഷണം നടത്തും. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ സുപ്രഭാതം പാലക്കാട് എഡിഷന്‍ പ്രഖ്യാപനം നടത്തും. എഡിറ്റര്‍ ഡോ. ബഹാഉദ്ദീന്‍ മുഹമ്മദ് നദ്‌വി, എസ്.വൈ.എസ് സെക്രട്ടറി അബ്ദുസമദ് പൂക്കോട്ടൂര്‍ എന്നിവര്‍ പ്രഭാഷണം നടത്തും. 

പി.കെ.പി. അബ്ദുസലാം മുസ്‌ലിയാര്‍, സി.കെ.എം. സ്വാദിഖ് മുസ്‌ലിയാര്‍, കൊയ്യോട് ഉമര്‍ മുസ്‌ലിയാര്‍, കെ.ടി. ഹംസ മുസ്്‌ലിയാര്‍, ഉമര്‍ ഫൈസി മുക്കം, എ.വി.അബ്ദുറഹ്മാന്‍ മുസ്‌ലിയാര്‍, ഡോ.എന്‍.എ.എം. അബ്ദുല്‍ഖാദര്‍, പിണങ്ങോട് അബൂബക്കര്‍, കെ.മോയിന്‍കുട്ടി മാസ്റ്റര്‍, എം.എ. ചേളാരി, കൊടക് അബ്ദു റഹ്മാന്‍ മുസ്‌ലിയാര്‍, നവാസ് പൂനൂര്‍, നാസര്‍ ഫൈസി, സത്താര്‍ പന്തലൂര്‍, സുലൈമാന്‍ ദാരിമി ഏലംകുളം, അഫ്‌സല്‍ രാമന്തളി എന്നിവര്‍ സംബന്ധിക്കും. ഇഖ്‌റഅ് പബ്ലിക്കേഷന്‍ കണ്‍വീനര്‍ അബ്ദുല്‍ ഹമീദ് ഫൈസി അമ്പലക്കടവ് സ്വാഗതം പറയും.