തിരുവനന്തപുരം: ന്യൂസിലന്‍ഡിലെ രണ്ടു മുസ്‌ലിം പള്ളികളില്‍ നടന്ന ഭീകരാക്രമണം അത്യന്തം ഹൃദയഭേദകമാണെന്ന് മുഖ്യമന്ത്രി പിണറായി വിജയന്‍.
തീവ്ര ദേശീയതയും വംശീയ വിദ്വേഷവും മനുഷ്യരെ മുഴുഭ്രാന്തരാക്കുന്നതിന്റെ ദൃഷ്ടാന്തമാണിതെന്നും ഫേസ്ബുക്കില്‍ ഇട്ട കുറിപ്പില്‍ മുഖ്യമന്ത്രി വ്യക്തമാക്കി.
മനുഷ്യ മനഃസാക്ഷിയെ ഞെട്ടിച്ച ഈസംഭവത്തില്‍ ഹൃദയം തകര്‍ന്നവര്‍ക്കൊപ്പം വേദനപങ്കിടുന്നു.
വംശീയവിദ്വേഷത്തിനും വെറുപ്പിന്റെ രാഷ്ട്രീയത്തിനുമെതിരേ ലോകമനഃസാക്ഷി ഉണരേണ്ട സന്ദര്‍ഭമാണിത്.
തീവ്രദേശീയതയും കുടിയേറ്റവിരുദ്ധ മനോഭാവവും ഏതുനാട്ടിലാണെങ്കിലും പിഴുതെറിയേണ്ടത് ലോകസമാധാനത്തിന് ആവശ്യമാണെന്നും മുഖ്യമന്ത്രി പറഞ്ഞു.