കല്‍പ്പറ്റ: എം.കെ. ജിനചന്ദ്രന്‍ മെമ്മോറിയല്‍ എവര്‍റോളിങ്ങ് ട്രോഫിക്കും നീലിക്കണ്ടി കുഞ്ഞമ്മദ് ഹാജി മെമ്മോറിയല്‍ എവര്‍റോളിങ്ങ് ട്രോഫിക്കും വേണ്ടിയുള്ള ചെമ്മണ്ണൂര്‍ ജ്വല്ലേഴ്‌സ് വയനാട് ജില്ലാ എ ഡിവിഷന്‍ ഫുട്‌ബോള്‍ ലീഗ് മത്സരങ്ങള്‍ ഈ മാസം 17 മുതല്‍ എസ്.കെ.എം.ജെ സ്‌കൂള്‍ മൈതാനത്ത് നടക്കും. കഴിഞ്ഞ വര്‍ഷത്തെ ചാംപ്യന്മാരായ നോവ അരപ്പറ്റയും റണ്ണറപ്പായ സ്‌പൈസസ് മുട്ടിലിനും പുറമെ ജില്ലയിലെ എട്ടു പ്രമുഖ ടീമുകള്‍ മത്സരത്തില്‍ പങ്കെടുക്കും.
എല്ലാ ദിവസവും വൈകിട്ട് 4.30ന് മത്സരങ്ങള്‍ ആരംഭിക്കും. ലീഗ് മത്സരങ്ങളുടെ വിജയത്തിനായി അനില്‍ മുണ്ടേരി ചെയര്‍മാനും സലിം വാകയില്‍വളപ്പില്‍ കണ്‍വീനറുമായ 10 അംഗ ഓര്‍ഗനൈസിങ് കമ്മിറ്റി രൂപീകരിച്ച് പ്രവര്‍ത്തനങ്ങള്‍ നടത്തിവരുന്നു.