തിരുവനന്തപുരം: ലോക്ക് ഡൗണ്‍ കാരണം മാറ്റിവച്ച സംസ്ഥാനത്തെ ഹയര്‍സെക്കന്‍ഡറി പരീക്ഷകള്‍ പുനരാരംഭിച്ചു. 4,458 കുട്ടികള്‍ക്ക് ഇന്നലെ പരീക്ഷ എഴുതാനായില്ല. 2,257 പേര്‍ക്ക് ഹയര്‍സെക്കന്‍ഡറി ഒന്നാംവര്‍ഷ പരീക്ഷയും 2,201 പേര്‍ക്ക് രണ്ടാംവര്‍ഷ പരീക്ഷയുമാണ് എഴുതാന്‍ കഴിയാത്തത്. വൊക്കേഷനല്‍ ഹയര്‍സെക്കന്‍ഡറി പരീക്ഷയും എസ്.എസ്.എല്‍.സിയും 26ന് ആരംഭിച്ചിരുന്നു.
ഇന്നലെ നടന്ന എസ്.എസ്.എല്‍.സി ഫിസിക്‌സ് പരീക്ഷ 4,22,094 പേര്‍ എഴുതിയപ്പോള്‍ 356 പേര്‍ക്ക് എഴുതാനായില്ല. ഇന്ന് കെമിസ്ട്രി പരീക്ഷ പൂര്‍ത്തിയാകുന്നതോടെ ഈ വര്‍ഷത്തെ എസ്.എസ്.എല്‍.സി പരീക്ഷകള്‍ അവസാനിക്കും.