കണ്ണൂര്‍: മദ്‌റസാ പ്രസ്ഥാനങ്ങള്‍ കൂടുതല്‍ ശക്തിപ്പെടുത്തേണ്ടതു കാലഘട്ടത്തിന്റെ അനിവാര്യതയാണെന്നു സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍. വിദ്യാഭ്യാസ ബോര്‍ഡിനു കീഴിലുള്ള പതിനായിരത്തിലേറെ മദ്‌റസകളിലെ ഈ അധ്യായന വര്‍ഷത്തെ പ്രവേശനത്തിന്റെ സംസ്ഥാനതല ഉദ്ഘാടനം പാപ്പിനിശ്ശേരി ഹിദായത്തുല്‍ ഇസ്‌ലാം കേന്ദ്ര മദ്‌റസയില്‍ നിര്‍വഹിക്കുകയായിരുന്നു അദ്ദേഹം. പി.പി ഉമര്‍ മുസ്‌ലിയാര്‍ അധ്യക്ഷനായി. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് മാണിയൂര്‍ അബ്ദുറഹ്മാന്‍ ഫൈസി പ്രാര്‍ഥനയ്ക്കു നേതൃത്വം നല്‍കി. കെ.പി.പി തങ്ങള്‍, അബ്ദുസമദ് മുട്ടം, എ.കെ അബ്ദുല്‍ ബാഖി, ശഹീര്‍ പാപ്പിനിശ്ശേരി, അബ്ദുശുക്കൂര്‍ ഫൈസി പുഷ്പഗിരി, നിയാസ് അസ്അദി, ഹംസ മൗലവി മാങ്കടവ്, ഇ.കെ അഹ്മദ് ബാഖവി സംബന്ധിച്ചു.