പാലക്കാട്:തിരുവനന്തപുരം വെള്ളായണിയില്‍ പ്രവര്‍ത്തിക്കുന്ന അയ്യങ്കാളി മെമ്മോറിയല്‍ ഗവ.മോഡല്‍ റസിഡന്‍ഷല്‍ സ്‌പോര്‍ട്‌സ് സ്‌കൂളില്‍ അടുത്ത അധ്യയന വര്‍ഷത്തെ പ്ലസ് വണ്‍ ക്ലാസ് പ്രവേശനത്തിനുള്ള സെലക്ഷന്‍ ട്രയല്‍ ഏപ്രില്‍ 20ന് നടക്കും. രാവിലെ 9.30ന് ഗവ.വിക്‌റ്റോറിയ കോളെജ് ഗ്രൗണ്ടിലാണ് ട്രയല്‍. ഫിസിക്കല്‍ ടെസ്റ്റിന്റേയും സ്‌പോര്‍ട്‌സ് മെറിറ്റ് സര്‍ട്ടിഫിക്കറ്റുകളുടേയും അടിസ്ഥാനത്തിലാണ് തെരെഞ്ഞെടുപ്പ്. നിലവില്‍ അത്‌ലറ്റിക്‌സ്, ഫുട്‌ബോള്‍, ജൂഡോ, ജിംനാസ്റ്റിക്‌സ്, റസ്‌ലിങ്, തയ്‌കൊണ്ടോ തുടങ്ങിയ ഇനങ്ങളിലാണ് പരിശീലനം നല്‍കുന്നത്. കഴിഞ്ഞ മാര്‍ച്ചില്‍ പത്താം ക്ലാസ് പരീക്ഷയെഴുതിയ പട്ടികജാതി-വര്‍ഗ വിദ്യാര്‍ഥികള്‍ സ്‌കൂള്‍ മേധാവിയുടെ കത്ത്, പാസ്‌പോര്‍ട്ട് സൈസ് ഫോട്ടോ, ജാതി, ജനന സര്‍ട്ടിഫിക്കറ്റുകളുടെ പകര്‍പ്പുകള്‍ എന്നിവയുമായി എത്തണമെന്ന് ജില്ലാ പട്ടികജാതി വികസന ഓഫീസര്‍ അറിയിച്ചു. ഫോണ്‍: 9746661446