കോഴിക്കോട്: വേളൂര്‍ ജി.എം.യു.പി സ്‌കൂളില്‍ പുരുഷന്‍ കടലുണ്ടി എം.എല്‍.എയുടെ എന്റെ സ്‌കൂള്‍ പദ്ധതി പ്രകാരം നിര്‍മിച്ച കെട്ടിടത്തിന്റെ ഉദ്ഘാടനം എം.എല്‍.എ പുരുഷന്‍ കടലുണ്ടി നിര്‍വഹിച്ചു. എം.എല്‍.എ ഫണ്ടില്‍ നിന്ന് 50 ലക്ഷവും, പി.ടി.എ സമാഹാരിച്ച 15 ലക്ഷം രൂപയും ചേര്‍ത്താണ് 8 മുറികളുള്ള രണ്ടു നില കെട്ടിടം പണിതത്.  അത്തോളി പഞ്ചായത്ത് പ്രസിഡന്റ് ചിറ്റൂര്‍ രവീന്ദ്രന്‍ അധ്യക്ഷനായി. പ്രധാനാധ്യാപകന്‍ എം.വി വിജയന്‍, എം.കെ വേലായുധന്‍, എ.എം വേലായുധന്‍, ഷഹനാസ്ബി, ജയ്‌സല്‍ കമ്മോട്ടില്‍, പുഷ്പരാജന്‍, എം.ജയകൃഷ്ണന്‍ സംബന്ധിച്ചു. കെട്ടിട നിര്‍മാണ കമ്മിറ്റി കണ്‍വീനര്‍ എം.മെഹബൂബ് സ്വാഗതവും കെ.കെ സുരേന്ദ്രന്‍ നന്ദിയും പറഞ്ഞു.