എരമല്ലൂര്‍: വിഷു ഈസ്റ്റര്‍ ദിനങ്ങളില്‍ കെ.എസ്.ആര്‍.ടി.സി ബസുകള്‍ എഴുപുന്ന കുമ്പളങ്ങി പാലം വഴി സര്‍വീസ് നടത്തിയില്ലെന്ന് പരാതി.
ചേര്‍ത്തല, തോപ്പുംപടി, ഫോര്‍ട്ട് കൊച്ചി ഭാഗങ്ങളിലേക്കുള്ള സര്‍വീസുകളാണ് വിശേഷ ദിവസങ്ങളില്‍ നിലച്ചത്. ഇതിനെതിരെ ബസ് പാസഞ്ചേഴ്‌സ് അസോസിയേഷന്‍ പ്രസിഡന്റ് അനില്‍ കുഴിവേലിയും സെക്രട്ടറി റെജി റാഫേലും കെ.എസ്.ആര്‍.ടി.സി അധികൃതര്‍ക്ക് പരാതി നല്‍കി. യാത്രാദുരിതമുള്ള കുമ്പളങ്ങി ഫെറി ഭാഗത്തേക്ക് നിരന്തര പരാതിയെ തുടര്‍ന്നാണ് കെ.എസ്.ആര്‍.ടി.സി ബസ് സര്‍വീസ് പുനരാരംഭിച്ചത്.