പുല്‍പ്പള്ളി: ഇന്നലെ കാണാതായ പുല്‍പ്പള്ളി കദവക്കുന്ന് ബസവന്‍ കൊല്ലി കോളനിയിലെ മാധവദാസിന്റെ മകന്‍ ശിവകുമാറിന്റെ (24) മൃതദേഹം കണ്ടെത്തി. യുവാവിന്റെ മൃതദേഹം കടുവ ഭക്ഷിച്ച നിലയിലായിരുന്നു.

ഇന്നലെ വൈകിട്ടാണ് ഇയാളെ കാണാതായത്. വന്യജീവി അക്രമിച്ചതാണെന്ന സംശയത്തിലായിരുന്നു ഗ്രാമവാസികള്‍. ഇതേ തുടര്‍ന്ന് വനംവകുപ്പും ഗ്രാമവാസികളും വനത്തിനുള്ളില്‍ തിരച്ചില്‍ നടത്തുന്നതിനിടെയാണ് ഇന്ന് ഉച്ചയോടെ യുവാവിന്റെ മൃതദേഹം കണ്ടെത്തിയത്.