സുല്‍ത്താന്‍ ബത്തേരി: പൊലിസുകാരനെ വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തി. സുല്‍ത്താന്‍ ബത്തേരി പഴേരി സ്വദേശി പുലക്കുടിയില്‍ സാജു(52)വിനെയാണ് ശനിയാഴ്ച ഉച്ചക്ക് രണ്ടു മണിയോടെ വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തിയത്.
ഇടുക്കി മറയൂര്‍ സ്‌റ്റേഷനിലെ സീനിയര്‍ സിവില്‍ പൊലിസ് ഓഫിസറാണ്. കഴിഞ്ഞ നാല് മാസമായി ഇയാള്‍ ജോലിയില്‍ നിന്ന് വിട്ടു നില്‍ക്കുകയായിരുന്നുവെന്നാണ് വിവരം. സാജുവിന്റെ അമ്മ മാത്രമായിരുന്നു സംഭവസമയം വീട്ടില്‍ ഉണ്ടായിരുന്നത്. ഭാര്യ റീന പെരുമ്പാവൂര്‍ പൊലിസ് ക്വാര്‍ട്ടേഴ്‌സ് കാന്റീനിലെ താല്‍ക്കാലിക ജീവനക്കാരിയാണ്.
മക്കള്‍: സൂസന്‍, മരിയ. സുല്‍ത്താന്‍ ബത്തേരി പൊലിസ് സ്ഥലത്തെത്തി മൃതദേഹം ഇന്‍ക്വസ്റ്റ് നടത്തി പോസ്റ്റ്‌മോര്‍ട്ടത്തിനയച്ചു.