മുക്കം: വൈക്കം മുഹമ്മദ് ബഷീറിന്റെ ജന്മദിനാചരണത്തിന്റെ ഭാഗമായി മുക്കം പ്രതിഭ ഗ്രന്ഥാലയം ബഷീര്‍ അനുസ്മരണവും പുസ്തക പ്രദര്‍ശനവും നടത്തി. മുക്കം ടി.ടി.ഐ റിട്ട. പ്രിന്‍സിപ്പല്‍ എ.വി സുധാകരന്‍ അനുസ്മരണ പ്രഭാഷണം നടത്തി.
ഗ്രന്ഥശാല പ്രസിഡന്റ് എം. ഗോവിന്ദന്‍കുട്ടി പുസ്തക പ്രദര്‍ശനം ഉദ്ഘാടനം ചെയ്തു. സ്‌കൂള്‍ വിദ്യാര്‍ഥികളുടെ ക്വിസ് മത്സരത്തിന് ഗ്രന്ഥശാല സെക്രട്ടറി കെ. രാമചന്ദ്രന്‍ നേതൃത്വം നല്‍കി. ശേഷം വിദ്യാര്‍ഥികള്‍ വിവിധ കലാപരിപാടികള്‍ അവതരിപ്പിച്ചു. വി. അജീഷ്, പ്രിയ, ലൈബ്രേറിയന്‍ ബേബി ബീന സംസാരിച്ചു.