കരുളായി: അമരമ്പലം പഞ്ചായത്തിലെ ഉള്ളാടില്‍ രണ്ട@ര ഏക്കര്‍ സ്ഥലത്ത് കരനെല്‍കൃഷി ആരംഭിച്ചു. കരനെല്‍കൃഷി പ്രോത്സാഹനം ലക്ഷ്യമിട്ട് കൃഷി വകുപ്പിന്റെയും പഞ്ചായത്തിന്റെയും സഹകരണത്തോടെയാണ് കൃഷി നടപ്പിലാക്കുന്നത്. ഉള്ളാട് കരുമത്തില്‍ മോഹന്‍ദാസിന്റെ സ്ഥലത്താണ് കരനെല്‍കൃഷിക്ക് തുടക്കം കുറിച്ചിട്ടുള്ളത്. റബര്‍തൈകള്‍ക്കിടയിലാണ് നെല്‍കൃഷി. ചോക്കാട് സീഡ് ഫാമില്‍ നിന്നെത്തിച്ച ഉമ ഇനത്തില്‍പ്പെട്ട വിത്താണ് വിതച്ചത്. തൊണ്ണൂറ് ദിവസം കൊ@് വിളവെടുക്കാന്‍ കഴിയുന്ന വിത്താണ് പാകിയിട്ടുള്ളത്. കൃഷി വകുപ്പിന്റെ ഓണത്തിനൊരുമുറം പച്ചക്കറി പദ്ധതിയോടൊപ്പം വിഷരഹിതമായ ശുദ്ധമായ അരിയും ഓണത്തിന് തയാറാക്കുകയെന്നതാണ് ലക്ഷ്യമെന്ന് കര്‍ഷകര്‍ മോഹന്‍ദാസ് പറഞ്ഞു. ഇദ്ദേഹം ഓണവിപണി ലക്ഷ്യമിട്ടുതന്നെ പച്ചക്കറി കൃഷിയും ചെയ്യുന്നു@്.
മത്തന്‍, വെ@ണ്ട, വഴുതന, പയര്‍ എന്നിവയാണ് കൃഷി ചെയ്യുന്നത്. കരനെല്‍കൃഷി പ്രോത്സാഹിപ്പിച്ച് പഞ്ചായത്തിലെ പരമാവധി സ്ഥലത്തേക്ക് വ്യാപിപ്പിക്കാനാണ് ലക്ഷ്യമിടുന്നതെന്ന് നെല്‍വിത്ത് വിതയ്ക്കല്‍ ഉദ്ഘാടനം ചെയ്ത് അമരമ്പലം പഞ്ചായത്ത് പ്രസിഡന്റ് സി. സുജാത പറഞ്ഞു. വൈസ് പ്രസിഡന്റ് നൊട്ടത്ത് മുഹമ്മദ് അധ്യക്ഷനായി. പഞ്ചായത്തംഗങ്ങളായ അനിതാ രാജു, ബിജു ഉള്ളാട്, കരുമത്തില്‍ മോഹന്‍ദാസ്, കര്‍ഷകനായ നറുക്കില്‍ ഗോപാലന്‍ സംബന്ധിച്ചു.