ധാക്കയിലെ ഭീകരാക്രമണത്തിലെ പ്രതികള്‍ സാക്കിര്‍ നായിക്കിന്റെ വീഡിയോ അവരുടെ വാളില്‍ പോസ്റ്റ് ചെയ്തതാണ് അദ്ദേഹത്തിനെതിരെ ആരോപണം ഉന്നയിക്കാനും അന്വേഷണത്തിനു ഉത്തരവിടാനും കാരണം.അദ്ദേഹത്തിന്റെ ആശയത്തോടും ആദര്‍ശത്തോടും തികഞ്ഞ വിയോജിപ്പു തന്നെയാണുള്ളത്.  എന്നാല്‍, ഇതുവരെ  അദ്ദേഹത്തിനെതിരേ ആരോപണം ഉന്നയിക്കുകയെന്നതിലപ്പുറം അതു തെളിയിക്കാന്‍ കഴിഞ്ഞിട്ടില്ല.

ആരോപണം തെളിയിക്കാത്ത കാലത്തോളം അദ്ദേഹത്തെ ഒരു മുസ്‌ലിമെന്ന നിലക്ക് പിന്തുണയ്ക്കാവുന്നതാണ്, കാരണം സാക്കിര്‍ നായികിന്റെ വഹാബിസമല്ല ചോദ്യം ചെയ്യപ്പെടുന്നത്.


കേരളത്തില്‍ ചിലര്‍ അല്ലാഹുവിന്റെ ഭവനങ്ങള്‍ പൂട്ടാന്‍ നടക്കുകയാണ്. പള്ളി കമ്മിറ്റിയെന്നു പറഞ്ഞാല്‍ 'പള്ളി പരിപാലന കമ്മിറ്റി'യാണ്. അവര്‍ നടത്തിപ്പുകാര്‍ മാത്രമാണ്. വഖ്ഫ് ചെയ്തു  കഴിഞ്ഞാല്‍ അത് അല്ലാഹുവിനുള്ളതാണ്. ഏതുസംഘടനകള്‍ നടത്തിപ്പുകാരായാലും ശരി. അതിന്റെ പേരില്‍ ചില മുസ്‌ലിം നാമധാരികള്‍ മഹല്ലുകളില്‍ കുഴപ്പമുണ്ടാക്കുന്നതും ജുമുഅ മുടക്കുന്നതും അങ്ങേയറ്റം മോശമായ പ്രവൃത്തിയാണ്. മരണമുണ്ടെന്നും നാളെ തന്റെ ഭവനം പൂട്ടിയതിനു ലോകരക്ഷിതാവിനോടു മറുപടി പറയേണ്ടി വരുമെന്നും ഓര്‍ക്കുക.