തിരുവനന്തപുരം :സംസ്ഥാനത്ത് സാമൂഹിക വ്യാപന സാധ്യത ഉറപ്പിച്ച് ഇന്ത്യന്‍ മെഡിക്കല്‍ അസോസിയേഷന്‍. സംസ്ഥാനത്ത് സാമൂഹികവ്യാപനത്തിന്റെ സൂചനകളുണ്ടെന്നും പരിശോധനകളുടെ എണ്ണം കൂട്ടണമെന്നും ഐ.എം.എ ആവശ്യപ്പെട്ടു. ഇക്കാര്യം ചൂണ്ടിക്കാട്ടി സംഘടന മുഖ്യമന്ത്രിയ്ക്ക് കത്ത് നല്‍കി.

സര്‍ക്കാര്‍ സ്വകാര്യമേഖലയിലെ ഡോക്ടര്‍മാര്‍ ഉള്‍പ്പെടെ ആരോഗ്യപ്രവര്‍ത്തകരുടെ കൊവിഡ് പരിശോധന നടത്തണം.സ്വകാര്യ മേഖലയില്‍ കൂടി കൊവിഡ് ചികിത്സ ലഭ്യമാക്കണമെന്നും ഐ.എം.എ ആവശ്യപ്പെട്ടു.

സര്‍ക്കാരിന്റെ കാരുണ്യപദ്ധതിയില്‍ കൊവിഡ് ചികിത്സ കൂടി ഉള്‍പ്പെടുത്തണമെന്നും ഐഎംഎ മുഖ്യമന്ത്രിക്ക് നല്‍കിയ കത്തില്‍ പറയുന്നു.