മാറഞ്ചേരി: കോതമുക്ക് ലൈസര്‍ കലാസാംസ്‌കാരിക വേദിയുടെ ഏഴാം വാര്‍ഷികാഘോഷമായ  സര്‍ഗോത്സവത്തിന് ഞായറാഴ്ച തുടക്കമാകുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു.  
ഞായറാഴ്ച ഒന്‍പതിന്  കോതമുക്ക് ഉണ്ണിസ്മാരക വായനശാലയ്ക്ക് സമീപം ഉത്തമന്‍ കാടഞ്ചേരിയുടെ ചിത്ര പ്രദര്‍ശനത്തോടെയാണ് സര്‍ഗ്ഗോത്സവത്തിന് തുടക്കമാകുക. തുടര്‍ന്ന് കുട്ടികള്‍ക്കായി വരക്കൂട്ടം ക്യാംപ്, നാലിന് സാംസ്‌കാരിക സമ്മേളനം, പഠനോപകരണങ്ങളുടെ വിതരണം, രാത്രി ഏഴിന് 'കാട് പൂക്കുന്നനേരം' സിനിമാ പ്രദര്‍ശനവും നടക്കും. ഒന്‍പതിന് ഡാന്‍സ് ഫെസ്റ്റും പരിപാടികളുടെ ഭാഗമായി നടക്കും. തിങ്കളാഴ്ച നാലിന് സിനിമ സംവിധായകന്‍ ഡോ. ബിജു, സിനിമ നടന്‍ ഇന്ദ്രന്‍സ് എന്നിവര്‍ പങ്കെടുത്തുള്ള മുഖാമുഖം പരിപാടിയും അഞ്ചിന് സമാപന സമ്മേളനവും രാത്രി ഏഴിന് 'നാട്ടരങ്ങ് മെഗാഷോ' യും നടക്കും. എഴുത്തുകാരന്‍ പി. സുരേന്ദ്രന്‍, പി. പി. സുനീര്‍, അജിത് കൊളാടി, സാഹിറ കുറ്റിപ്പുറം എന്നിവര്‍ പങ്കെടുക്കും. വാര്‍ത്താസമ്മേളനത്തില്‍ സി. പി. അഭിലാഷ്,  വി. എസ്. ജിഷ്ണു, കെ. പ്രശാന്ത്, ടി. എം. നിഖില്‍ എന്നിവര്‍ പങ്കെടുത്തു.