സ്വന്തം ലേഖകര്‍
കൊവിഡ് ബാധിച്ച് സഊദിയല്‍ രണ്ട് മലയാളികളും ഒമാനില്‍ ഒരാളും മരിച്ചു. കോഴിക്കോട് താമരശ്ശേരി അടിവാരം നൂറാംതോട് പെരുളിയില്‍ മുഹമ്മദലി (52) സഊദിയിലെ ദമാമിലും പാണ്ടിക്കാട് ചെമ്പ്രശ്ശേരി പരേതനായ കൊറ്റങ്ങോടന്‍ ചെറിയോന്റെ മകന്‍ ഷബീറലി എന്ന മാനു (34) ജിദ്ദയിലും കൂത്തുപറമ്പ് മാങ്ങാട്ടിടം ശങ്കരനെല്ലൂര്‍ എല്‍.പി സ്‌കൂളിനു സമീപത്തെ കായക്കണ്ടി മംഗളന്‍ (53) ഒമാനിലുമാണ് മരിച്ചത്.
അടിവാരം നൂറാംതോട് സ്വദേശി മുഹമ്മദലി രോഗം സ്ഥിരീകരിച്ചതിനെ തുടര്‍ന്ന് ദമാം സെന്‍ട്രന്‍ ഹോസ്പിറ്റലില്‍ ഇക്കഴിഞ്ഞ ജൂണ്‍ പത്ത് മുതല്‍ ചികിത്സയിലായിരുന്നു. ഭാര്യ: സുബൈദ. മക്കള്‍: റഊഫ് (സൗദി), മഅറൂഫ്, മരുമകള്‍:ശിഫ. ജിദ്ദയിലെ കിങ് ഫഹദ് ആശുപത്രിയില്‍ ചികിത്സയിലിരിക്കെയാണ് പാണ്ടിക്കാട് സ്വദേശി ഷബീറലി മരിച്ചത്. മാതാവ്: ചെട്ടിയാംതൊടിക ഫാത്തിമ (കീഴാറ്റൂര്‍). ഭാര്യ: നിഷാന (മമ്പാട്). മക്കള്‍: ഷബാന്‍, ഹയ. കൂത്തുപറമ്പ് സ്വദേശി മംഗളന്‍ കൊവിഡ് ബാധിച്ച് വ്യാഴാഴ്ച ഒമാനില്‍ മരിച്ചതായാണു ബന്ധുക്കള്‍ക്ക് വിവരം ലഭിച്ചത്. കോട്ടയംപൊയിലിലെ പരേതനായ വി.കെ അനന്തന്റെയും കെ. മാധവിയുടെയും മകനാണ്. അവിവാഹിതനാണ്. സഹോദരങ്ങള്‍: സന്തോഷ്, പുഷ്പ.