എടച്ചേരി: രാജ്യത്തിനുവേണ്ടി ദീര്‍ഘകാലം സേവനമനുഷ്ഠിച്ച് ഇന്ത്യന്‍ സൈന്യത്തില്‍ നിന്ന് വിരമിച്ച ഭടന്മാരെ ജന്മനാട് ആദരിച്ചു. എടച്ചേരി ഇരിങ്ങണ്ണൂര്‍ വെസ്റ്റ് എല്‍.പി സ്‌കൂളിന്റെ നൂറ്റി നാലാം വാര്‍ഷികാഘോഷത്തോടനുബന്ധിച്ചാണ് ഭടന്മാരെ പൊന്നാടയണിയിച്ച് ആദരിച്ചത്.
വിദ്യാലയത്തിന് ചുറ്റുമായി താമസിക്കുന്ന ഇരിങ്ങണ്ണൂര്‍ പ്രദേശവാസികളായ 15 വിമുക്ത ഭടന്മാര്‍ക്കാണ് വിദ്യാലയത്തിന്റെ ആദരവ് ലഭിച്ചത്. നാദാപുരം ഉപജില്ലാ വിദ്യാഭ്യാസ ഓഫിസര്‍ എം.കെ പ്രകാശന്‍ വിമുക്ത ഭടന്മാരെ പൊന്നാടയണിയിച്ച് ആദരിച്ചു. യുവസാഹിത്യകാരന്‍ നാസര്‍ കക്കട്ടില്‍ ഉദ്ഘാടനം ചെയ്തു.
പി.ടി.എ പ്രസിഡന്റ് കെ.വി വാസു അധ്യക്ഷനായി. മാധവ കുറുപ്പ് മാസ്റ്റര്‍ മെമ്മോറിയല്‍ എന്‍ഡോവ്‌മെന്റ് വിതരണം വാര്‍ഡ് മെംബര്‍ പി.കെ ചന്ദ്രി നിര്‍വഹിച്ചു. വാര്‍ഡ് മെംബര്‍ ടി.പി പുരുഷു, കുഞ്ഞേക്കന്‍, ബാലന്‍ കൂവള്ളതില്‍, ടി. സഹദേവന്‍ ,മാനേജര്‍ ടി.പി രാജീവന്‍, റിട്ട. പ്രധാനാധ്യാപകന്‍ എം.പി ശ്രീധരന്‍, കെ. രവീന്ദ്രന്‍, സഞ്ജയ് പുത്തലത്ത്, എം.കെ രാജേന്ദ്രന്‍, പ്രധാനാധ്യാപിക കെ. മീന വി.കെ മോഹനന്‍ എന്നിവര്‍ സംസാരിച്ചു. തുടര്‍ന്ന് രക്ഷിതാക്കളുടെയും വിദ്യര്‍ഥികളുടെയും കലാവിരുന്നും അരങ്ങേറി.