കൊച്ചി: ജലന്ധര്‍ കത്തോലിക്ക ബിഷപ്പിനെതിരായ പരാതിയില്‍ കന്യാസ്ത്രീയെയും പിന്തുണക്കുന്നവരെയും ഒറ്റപ്പെടുത്താന്‍ സഭാ നേതൃത്വം. ഇവരെ പിന്തുണക്കുന്നവര്‍ക്ക് ചികില്‍സയടക്കമുള്ള ആവശ്യങ്ങള്‍ക്ക് പണം തരില്ലെന്ന മുന്നറിയിപ്പുമായി മദര്‍ സുപ്പീരിയര്‍ ജനറലിന്റെ കത്ത് പുറത്തായി. സ്വകാര്യചാനലാണ് ഇക്കാര്യം പുറത്തു വിട്ടത്.

വിമത നീക്കത്തില്‍ നിന്ന് പിന്‍മാറണമെന്ന് കത്തില്‍ ആവശ്യപ്പെടുന്നു. പിന്തുണച്ചാല്‍ നടപടിയെന്ന താക്കീതും കത്തിലുണ്ട്.

അതിനിടെ, കന്യാസ്ത്രീയുടെ മൊഴി വീണ്ടും രേഖപ്പെടുത്തും. കന്യാസ്ത്രീ നല്‍കിയ രഹസ്യമൊഴിയുടെ പകര്‍പ്പ് ഇന്നലെ അന്വേഷണസംഘത്തിന് കിട്ടിയിരുന്നു.