കാസര്‍കോട്: തെരഞ്ഞെടുപ്പിന്റെ ഭാഗമായി ജില്ലയില്‍ 90 വീഡിയോഗ്രാഫര്‍മാരെ നിയമിച്ചു. എ.ഡി.എം സി. ബിജുവിന്റെയും ഫിനാന്‍സ് ഓഫിസര്‍ കെ.സതീശന്റെയും നിര്‍ദേശങ്ങള്‍ക്കനുസരിച്ചാണ് വീഡിയോഗ്രാഫര്‍മാരെ വിന്യസിച്ചത്. ഇലക്‌ട്രോണിക് വോട്ടിങ് മെഷീന്‍ സജ്ജീകരിക്കുന്നത്, പോളിങ് ഉദ്യോഗസ്ഥര്‍, പ്രിസൈഡിങ്ങ് ഓഫിസര്‍ എന്നിവര്‍ക്കുള്ള പരിശീലനം, തെരഞ്ഞെടുപ്പ് നിരീക്ഷകരുടെ പ്രത്യേക യോഗം, തെരഞ്ഞെടുപ്പ് സാമഗ്രികളുടെ വിതരണ-സ്വീകരണ കേന്ദ്രങ്ങളിലെ മുഴുവന്‍ സമയത്തെയും പ്രവര്‍ത്തനങ്ങള്‍, തെരഞ്ഞടുപ്പ് പ്രശ്‌നബാധിത പ്രദേശങ്ങളിലെ പ്രവര്‍ത്തനങ്ങള്‍, പോളിങ്ബൂത്തിലെ പ്രവര്‍ത്തനങ്ങള്‍ തുടങ്ങി തെരഞ്ഞെടുപ്പുമായി ബന്ധപ്പെട്ട വിവിധ ഘട്ടങ്ങളാണ് ഇവര്‍ വീഡിയോയില്‍ പകര്‍ത്തുന്നത്. തെരഞ്ഞെടുപ്പ് വിജ്ഞാപനം വന്നതുമുതലാണ് ഇവരുടെ പ്രവര്‍ത്തനം ആരംഭിച്ചത്. തെരഞ്ഞെടുപ്പ് കഴിയുന്നത് വരെ ഇവരുടെ സേവനം ഉണ്ടായിരിക്കും.
കണക്കില്‍പ്പെടാത്ത സ്വര്‍ണം, പണം, ആയുധങ്ങള്‍,അനധികൃതമായ പ്രചാരണ സാമഗ്രികള്‍ തുടങ്ങിയവ കടത്തികൊണ്ടുപോവുന്നത് തടയാന്‍ ഇവര്‍ വാഹനങ്ങള്‍ പരിശോധിക്കും. നിര്‍ത്താതെ പോകുന്ന സംശയാസ്പദമായ വാഹനങ്ങളെ ഫ്‌ളൈയിങ് സ്‌ക്വാഡ് ഉദ്യോഗസ്ഥരുടെ സംഘം പിടിക്കുകയും പരിശോധന കാമറയില്‍ പകര്‍ത്തുകയും ചെയ്യും.