ലഖ്‌നൗ: കൊടുംകുറ്റവാളി വികാസ് ദുബെകൊല്ലപ്പെട്ട സംഭവത്തില്‍ വിശദീകരണവുമായി യു.പി പൊലിസ്. ദേശീയ പാതയിലൂടെ വന്ന കന്നുകാലി കൂട്ടത്തെ ഇടിക്കാതെയിരിക്കാന്‍ ഡ്രൈവര്‍ വാഹനം വെട്ടിച്ചതിനിടെ വാഹനം അപകടത്തില്‍ പെട്ടത്.

മറിഞ്ഞ വാഹനത്തില്‍ നിന്ന് പുറത്തിറങ്ങുന്നതിനിടെ ദുബെ ആയുധം കൈക്കലാക്കി. കീഴടങ്ങാന്‍ പൊലീസ് ആവശ്യപ്പെട്ടിട്ടും
ദുബെ തയ്യാറായില്ല. പൊലീസിനെ ആക്രമിക്കാന്‍ ശ്രമിച്ചപ്പോളാണ് ദുബെയ്ക്ക് നേരെ വെടി വച്ചതെന്നും യുപി പൊലീസ് വിശദീകരിച്ചു.

https://twitter.com/ANINewsUP/status/1281549944755679233

പൊലിസിന്റെ കയ്യില്‍ നിന്നും രക്ഷപ്പെടാന്‍ ശ്രമിക്കവെ വെടിയേറ്റ് മരിച്ചെന്ന വാര്‍ത്തയാണ് പുറത്ത് വന്നത്. അതേ സമയം നേരത്തെ പിടിയിലായ മൂന്നു പേരെ പൊലിസ് വെടിവെച്ച് കൊന്നിരുന്നു. രക്ഷപ്പെടാന്‍ ശ്രമിക്കുന്നതിനിടെയാണ് കൊലപ്പെടുത്തിയതെന്നാണ് അതിനും പൊലിസ് നല്‍കിയ വിശദീകരണം. ദുബെയുടെ വലംകൈ എന്നറിയറിയപ്പെടുന്നഅമര്‍ ദുബെയും കൊല്ലപ്പെട്ടവരില്‍ ഉള്‍പ്പെടുന്നു.

വികാസ് ദുബെ കൊല്ലപ്പെട്ട സ്ഥലത്തു നിന്ന് പുലര്‍ച്ചെ തുടരെത്തുടരെ വെടിയൊച്ച കേട്ടിരുന്നതായി നാട്ടുകാര്‍. ശബ്ദം കേട്ട് ചെന്ന തങ്ങളെ പൊലിസ് അവിടേക്ക് അടുപ്പിച്ചില്ലെന്നും തിരിച്ചു പോവാന്‍ ആവശ്യപ്പെട്ടെന്നും ഇവര്‍ പറഞ്ഞു.