കോഴിക്കോട്: കൊവിഡ് പശ്ചാത്തലത്തില്‍ സി.ബി.എസ്.ഇ സിലബസില്‍നിന്ന് പൗരത്വം, ജനാധിപത്യം, മതേതരത്വം തുടങ്ങിയ ചരിത്ര പാഠങ്ങള്‍ ഒഴിവാക്കിയ നടപടി ഫാസിസം വിദ്യാഭ്യാസമേഖലയില്‍ ചെലുത്തുന്ന സ്വാധീനത്തിന് തെളിവാണെന്ന് സുന്നി യുവജനസംഘം സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ ജമലുല്ലൈലി തങ്ങള്‍, വര്‍കിങ് സെക്രട്ടറിമാരായ അബ്ദുല്‍ ഹമീദ് ഫൈസി അമ്പലക്കടവ്, പിണങ്ങോട് അബൂബക്കര്‍ എന്നിവര്‍ പ്രസ്താവിച്ചു.
മഹാമാരിയുടെ മറവില്‍ ഫാസിസം കൈവച്ചത് ഇന്ത്യയുടെ അടിസ്ഥാന ശിലയിലാണ്. വരുംതലമുറക്ക് ഇന്ത്യയുടെ അടിസ്ഥാന ശക്തി സ്രോതസുകള്‍ അന്യമാക്കി ഹിന്ദുത്വ ദിശയിലേക്ക് നയിക്കാനുള്ള നീക്കമാണിത്.
രാജ്യസ്‌നേഹികള്‍ കരുതലോടെ സജ്ജരാകേണ്ട കാലമാണിതെന്നും നേതാക്കള്‍ പറഞ്ഞു.