നന്തി: ജാമിഅ ദാറുസ്സലാം അല്‍ ഇസ്‌ലാമിയ്യയുടെ 43-ാം വാര്‍ഷിക 14-ാം സനദ്ദാന സമ്മേളനത്തിന്റെ പ്രചാരണാര്‍ഥം ദാരിമീസ് സെന്‍ട്രല്‍ കൗണ്‍സില്‍ നടത്തുന്ന വാഹന പ്രചാരണ ജാഥ നാളെ കാസര്‍കോട് ജില്ലയിലെ മഞ്ചേശ്വരത്തു നിന്നാരംഭിക്കും.
സമസ്ത മുശാവറ അംഗം ഖാസിം മുസ്‌ലിയാര്‍ ഉദ്ഘാടനം ചെയ്യും. സൈനുല്‍ ആബിദീന്‍ തങ്ങള്‍ അധ്യക്ഷനാകും. 10ന് കണ്ണൂര്‍ ജില്ലയിലെ പെരുമ്പ മഖാമില്‍ നിന്നാരംഭിച്ച് പെരിങ്ങത്തൂരില്‍ സമാപിക്കും.

11, 12 തിയതികളില്‍ വയനാട് ജില്ലയിലെ വിവിധ കേന്ദ്രങ്ങളില്‍ പ്രചാരണം നടത്തും. 13നു മലപ്പുറം ജില്ലയിലെ കണ്ണിയത്ത് മഖാമില്‍ നിന്നാരംഭിച്ച് പെരിന്തല്‍മണ്ണയിലും 14നു മമ്പുറം മഖാമില്‍ നിന്നാരംഭിച്ച് പൊന്നാനിയിലും സമാപിക്കും.
15ന് പാലക്കാട് ജില്ലയിലെ വിവിധ കേന്ദ്രങ്ങളില്‍ പ്രചാരണം നടത്തും. 16നു കോഴിക്കോട് വരക്കല്‍ മഖാമില്‍ നിന്നാരംഭിച്ച് ജില്ലയിലെ വിവിധ സ്ഥലങ്ങളില്‍ പ്രചാരണം നടത്തി 17നു നന്തിയില്‍ സമാപിക്കും.