കരുനാഗപ്പള്ളി: തഴവ കടത്തൂര്‍ വെട്ടോളിശ്ശേരി തെക്കതില്‍(തറവാട്) ഇസ്മായിലിന്റെ വീട്ടില്‍ മോഷണവും വെട്ടോളിശ്ശേരി വട ക്കതില്‍ മരംകയറ്റ് തൊഴിലാളി രാമചന്ദ്രന്റെ വീട്ടില്‍ മോഷണശ്രമവും നടന്നു. തിങ്കളാഴ്ച പുലര്‍ച്ചെ രണ്ടോടെയായിരുന്നു സംഭവം. ഇസ്മായിലിന്റെ വീടിന്റെ അടുക്കള വാതില്‍ കമ്പിപ്പാര കൊണ്ട് കുത്തിത്തുറന്ന് അകത്ത് കടന്ന മോഷ്ടാക്കള്‍ അയയിലെ ഷര്‍ട്ടിന്റെ പോക്കറ്റില്‍ സൂക്ഷിച്ചിരുന്ന 48000 രൂപ കവരുകയും വസ്ത്രങ്ങള്‍ വാരിയെടുത്ത് സമീപത്തെ പാറ്റോലി തോട്ടില്‍ ഉപേക്ഷിക്കുകയും ചെയ്തു. പശുവിനെ വിറ്റ് കിട്ടിയ പണമാണ് നഷ്ടമായത്. രാമചന്ദ്രന്റെ വീട്ടിലും മോഷ്ടാക്കള്‍ എത്തിയെങ്കിലും വീട്ടുകാര്‍ ഉണര്‍ന്നതിനെ തുടര്‍ന്ന്  കടന്നുകളയുകയുമായിരുന്നു. വീട്ടുകാര്‍ പൊലിസില്‍ പരാതി നല്‍കി.