കാബൂള്‍: അഫ്ഗാനിസ്ഥാനില്‍ തീവ്രവാദികള്‍ നടത്തിയ വെടിവയ്പില്‍ 10 പേര്‍ മരിച്ചു. അക്രമികള്‍ ജലാലാബാദിലെ നാംഗര്‍ഹാര്‍ വിദ്യാഭ്യാസ കെട്ടിടത്തില്‍ സ്‌ഫോടനം നടത്തിയതിന് ശേഷം വെടിയുതിര്‍ക്കുകയായിരുന്നുവെന്ന് പ്രാദേശിക വൃത്തങ്ങള്‍ അറിയിച്ചു.
ഇന്നലെ രാവിലെയാണ് സംഭവം. അക്രമികളും സുരക്ഷാ സേനയും തമ്മില്‍ ഒരു മണിക്കൂറോളം പോരാട്ടം നടന്നു.
സംഭവത്തില്‍ 10 പേര്‍ക്ക് പരുക്കേറ്റെന്ന് നാംഗര്‍ഹാര്‍ ഗവര്‍ണറുടെ വക്താവ് അതാഉല്ല ക്വോഗ്വാനി പറഞ്ഞു.
സ്‌കൂള്‍ വിദ്യാര്‍ഥികളുടെ പരീക്ഷാ ഫലം പ്രഖ്യാപിക്കുന്നതിനിടെയാണ് ആക്രമണമുണ്ടായത്. ആക്രമണത്തിന്റെ ഉത്തരവാദിത്തം ആരും ഇതുവരെ ഏറ്റെടുത്തിട്ടില്ല.