ന്യൂഡല്‍ഹി: രാജ്യത്ത് ഒരുദിവസം റിപ്പോര്‍ട്ട് ചെയ്യപ്പെടുന്ന കൊവിഡ് രോഗികളുടെ എണ്ണം മുപ്പതിനായിരത്തിലേക്ക് അടുക്കുന്നു. കഴിഞ്ഞ ദിവസം 24 മണിക്കൂറിനിടെ റിപ്പോട്ട് ചെയ്യപ്പെട്ടത് 553 കൊവിഡ് മരണങ്ങളും 29,429 പുതിയ കോസുകളുമാണ്. അതേസമയം കൊവിഡ് മുക്തി നേടുന്നവരുടെ നിരക്ക് 63.02 ആയി ഉയര്‍ന്നു.
രാജ്യത്ത് കൊവിഡ് സ്ഥിരീകരിച്ചവരുടെ എണ്ണം 939192 ആയും മരണം 24,315 ആയും ഉയര്‍ന്നു. ഗുജറാത്തില്‍ ഇന്നലെ പുതുതായി 9,340 കൊവിഡ് കേസുകളാണ് റിപ്പോര്‍ട്ട് ചെയ്യപ്പെട്ടത്.
അതേസമയം മഹാരാഷ്ട്രയില്‍ 7975 പുതിയ കേസുകളും 233 മരണങ്ങളുമാണ് പുതുതായി റിപ്പോര്‍ട്ട് ചെയ്യപ്പെട്ടത്. ഇതോടെ ആകെ രോഗികളുടെ എണ്ണം 2,57,640 ആയി ഉയര്‍ന്നു.
ആന്ധ്രപ്രദേശില്‍ 2,432 പുതിയ കേസുകള്‍ റിപ്പോര്‍ട്ട് ചെയ്തു. ഇതോടെ സംസ്ഥാനത്ത് രോഗികളുടെ എണ്ണം 35000 കടന്നു.