ചെറുപുഴ: എറണാകുളം മഹാരാജാസ് കോളജില്‍ കൊല ചെയ്യപ്പെട്ട അഭിമന്യ വിന്റെ കുടുംബത്തെ സഹായിക്കുന്നതിനായി എസ്.എഫ്.ഐ പെരിങ്ങോം ഏരിയ കമ്മറ്റിയും സ്റ്റുഡന്റ് പാലിയേറ്റീവ് കെയര്‍ യൂനിറ്റും സംയുക്തമായി ചെറുപുഴ-പയ്യന്നൂര്‍ റൂട്ടില്‍ സാന്ത്വനയാത്ര നടത്തി. മൈക്രോണ്‍, ന്യൂലൈഫ്, എ.കെ.ആര്‍, ശ്രീവിഷ്ണു, ശ്രീനിഥി എന്നീ സ്വകാര്യ ബസുകള്‍ പങ്കാളികളായി. ചെറുപുഴയില്‍ പയ്യന്നൂര്‍ ബ്ലോക്ക് പഞ്ചായത്ത് പ്രസിഡന്റ് എം.ടി.പി നൂറുദ്ദീന്‍ ഫഌഗ് ഓഫ് ചെയ്തു. പെരിങ്ങോത്ത് പി. നളിനി, മാത്തില്‍ ടൗണില്‍ പി. ഉഷ, മാതമംഗലത്ത് സി. സത്യപാലന്‍, തിരുമേനിയില്‍ സേവ്യര്‍ പോള്‍ എന്നിവര്‍ വിവിധ ബസുകളുടെ യാത്ര ഫഌഗ് ഓഫ് ചെയ്തു.