ശ്രീകൃഷ്ണപുരം : ബ്ലോക്ക് പഞ്ചായത്ത് ജൈവ പച്ചക്കറി കൃഷിക്കായി രണ്ടു പദ്ധതികള്‍ നടപ്പിലാക്കുന്നു. വിദ്യാലയങ്ങളില്‍ ഹരിതം 26 സ്‌കൂളുകളില്‍ നടപ്പിലാക്കും. ഒരു വിദ്യാലയത്തിന് അയ്യായിരം രൂപയാണ് സഹായം. ലൈബ്രറി കൗണ്‍സിലില്‍ റജിസ്റ്റര്‍ ചെയ്ത ഗ്രന്ഥശാലകള്‍ മുഖേന 25 വീതം വനിതകളെ ഉള്‍പ്പെടുത്തി നടപ്പിലാക്കുന്ന ഗൃഹമിത്ര പദ്ധതി 13 വായനശാലകളിലൂടെ നടപ്പിലാക്കും. ഒരു യൂണിറ്റിന് 25000 രൂപ തോതിലാണ് ധനസഹായം. താത്പര്യമുള്ള വിദ്യാലയങ്ങളും വായനശാലകളും ബന്ധപ്പെട്ട ബ്ലോക്ക് അംഗങ്ങള്‍ മുഖേന ജൂലായ് 20ന് മുമ്പായി അപേക്ഷ നല്‍കണം.