വുഹാന്‍: ഇന്ത്യയുടെ പി.വി സിന്ധു ബാഡ്മിന്റണ്‍ ഏഷ്യ ചാംപ്യന്‍ഷിപ്പിന്റെ ക്വാര്‍ട്ടറില്‍. നാലാം സീഡായ സിന്ധു ജപ്പാന്റെ സീഡില്ലാ താരം അയ ഒഹോരിയെ അനായാസം കീഴടക്കിയാണ് അവസാന എട്ടില്‍ സ്ഥാനമുറപ്പിച്ചത്. സ്‌കോര്‍: 21-14, 21-15.
നേരത്തെ ഇന്ത്യയുടെ പുരുഷ താരം അജയ് ജയറാം രണ്ടാം റൗണ്ടില്‍ ചൈനീസ് തായ്‌പേയ് താരമായ സു ജെന്‍ ഹോയോട് പരാജയപ്പെട്ട് പുറത്തായി. സ്‌കോര്‍: 19-21, 10-21. നേരത്തെഇന്ത്യന്‍ പ്രതീക്ഷയായിരുന്ന സൈന നേഹ്‌വാള്‍, എച്.എസ് പ്രാണോയ് എന്നിവരും ഡബിള്‍സ് സഖ്യങ്ങളും ആദ്യ റൗണ്ടില്‍ തന്നെ പുറത്തായിരുന്നു.