കോഴിക്കോട്: സ്വാതന്ത്ര്യദിനത്തില്‍ എസ്.കെ.എസ്.എസ്.എഫിന്റെ ആഭിമുഖ്യത്തില്‍ ജില്ലയില്‍ ഫ്രീഡം സ്‌ക്വയര്‍ സംഘടിപ്പിക്കും. കഴിഞ്ഞദിവസം കോഴിക്കോട് ഇസ്്‌ലാമിക് സെന്ററില്‍ ചേര്‍ന്ന ജില്ലാ സെക്രട്ടേറിയറ്റ് യോഗത്തിലാണു തീരുമാനം. തിരഞ്ഞെടുക്കപ്പെട്ട 23 മേഖലാ കേന്ദ്രങ്ങളിലാണു ഫ്രീഡം സ്‌ക്വയര്‍ സംഘടിപ്പിക്കുക.
ചടങ്ങില്‍ സ്വാതന്ത്ര്യദിന സന്ദേശ പ്രഭാഷണവും പ്രതിജ്ഞയും നടക്കും. രാജ്യത്തിന്റെ ജനാധിപത്യ സംവിധാനം ശക്തിപ്പെടുത്താനും സാമുദായിക സൗഹാര്‍ദത്തിനു വിള്ളല്‍ തീര്‍ക്കുന്ന വര്‍ഗീയ തീവ്രവാദ ശക്തികളെ ചെറുത്തുനില്‍ക്കാനും പുതുതലമുറക്കു പ്രചോദനം നല്‍കുകയുമാണ് ഫ്രീഡം സ്‌ക്വയര്‍ ലക്ഷ്യമാക്കുന്നത്. പരിപാടിയുടെ സോഷ്യല്‍ മീഡിയ പ്രചാരണം ശക്തമാക്കാന്‍ യോഗം തീരുമാനിച്ചു. ബലിപെരുന്നാളിനു ശാഖാതലങ്ങളില്‍ ജില്ലാതല ഫണ്ട് ശേഖരണം വിജയിപ്പിക്കാന്‍ നേതാക്കള്‍ ആഹ്വാനം ചെയ്തു.
പ്രസിഡന്റ് മുബശ്ശിര്‍ തങ്ങള്‍ ജമലുല്ലൈലി അധ്യക്ഷനായി. സംസ്ഥാന വര്‍ക്കിങ് സെക്രട്ടറി റഷീദ് ഫൈസി വെള്ളായിക്കോട് ഉദ്ഘാടനം ചെയ്തു. ഖാസിം നിസാമി പേരാമ്പ്ര, നൂറുദ്ദീന്‍ ഫൈസി മുണ്ടുപാറ, ജലീല്‍ ദാരിമി നടുവണ്ണൂര്‍, ജാഫര്‍ ദാരിമി ഇരുന്നലാട്, മിദ്‌ലാജ് അലി താമരശ്ശേരി, ശൈജല്‍ അഹമ്മദ് കുറ്റ്യാടി, ശാക്കിര്‍ യമാനി പയ്യോളി, കബീര്‍ റഹ്മാനി ആയഞ്ചേരി, പി.ടി മുഹമ്മദ് കാദിയോട്, ശുഹൈബ് ദാരിമി നന്തി, നിസാര്‍ വടകര, കുഞ്ഞിമരക്കാര്‍ മലയമ്മ, മുഹമ്മദ് സ്വാലിഹ് നിസാമി എളേറ്റില്‍, ഖാദര്‍ തെയ്യപ്പാറ, ശമീര്‍ ആയഞ്ചേരി, സലാം മലയമ്മ സംസാരിച്ചു. ജനറല്‍ സെക്രട്ടറി ഒ.പി അഷ്‌റഫ് കുറ്റിക്കടവ് സ്വാഗതവും സെക്രട്ടറി അലി അക്ബര്‍ മുക്കം നന്ദിയും പറഞ്ഞു.