ജിദ്ദ: മലപ്പുറം കൂട്ടിലങ്ങാടി സ്വദേശി ഹൃദയാഘാതത്തെ തുടർന്ന് ജിദ്ദയിൽ മരിച്ചു.
പെരിന്താറ്റിരി പോത്തുകുണ്ടിലെ പരേതരായ തൊടുമണ്ണിൽ പടിഞ്ഞാറേതിൽ അലവിക്കുട്ടി മാസ്റ്ററുടെയുംകുഞ്ഞീരുമ്മയുടെയും മകൻ സഫറുള്ള എന്ന
ബാപ്പുട്ടി (57) ആണ് ചൊവ്വാഴ്ച പുലർച്ചെ ജിദ്ദ ജാമിഅ കിംഗ് അബ്ദുൽ അസീസ് ആശുപത്രിയിൽ മരിച്ചത്. കോവിഡ് ബാധിതനായി ചികിത്സയിലായിരുന്നു.
33 വർഷമായി പ്രവാസിയായ ബാപ്പുട്ടി കഴിഞ്ഞ 14 വർഷമായി സഊദി ബിൻലാദിൻ ഗ്രൂപ്പിൽ പ്രൊജക്ട്എൻജിനീയറായിരുന്നു. എട്ടു മാസം മുമ്പാണ് അവസാനമായി നാട്ടിൽ പോയത്. ഈ മാസം അവധിക്ക് നാട്ടിൽ പോകാനുള്ള തയാറെടുപ്പിലായിരുന്നു.
ഭാര്യ: മൂളിയത്തൊടി ഹബീബ (കാളാവ്).
മക്കൾ: ഫാസിൽ, ഹിബ.
മരുമകൻ : ഷമീം (പാണക്കാട്).
സഹോദരങ്ങൾ: മൊയ്തു, അസ്മാബി, തിത്തീബി. മൃതദേഹം
ജിദ്ദയിൽ ഖബറടക്കും.