ന്യൂഡല്‍ഹി: രാമക്ഷേത്ര ശിലാസ്ഥാപനത്തില്‍ പ്രധാനമന്ത്രി നരേന്ദ്രമോദിയെ പ്രകീര്‍ത്തിച്ച് കേന്ദ്ര ആഭ്യന്തര മന്ത്രി അമിത് ഷാ. രാമക്ഷത്രത്തിന്റെ ശിലാസ്ഥാപനം പുതിയ യുഗത്തിന്റെ പിറവിയാണെന്ന് അമിത് ഷാ ട്വിറ്ററില്‍ കുറിച്ചു. കൊവിഡ് ബാധിച്ച് ചികിത്സയിലിരിക്കുന്നതിനാലാണ് അദ്ദേഹം ട്വിറ്ററിലൂടെ പ്രതികരിച്ചത്.

ഇന്ത്യയെ സംബന്ധിച്ചിടത്തോളം അഭിമാനപൂര്‍വമായ ദിവസമാണ് ഇന്ന്. പ്രധാനമന്ത്രി രാമക്ഷേത്രത്തിന് തറക്കല്ലിടുകയും ചെയ്തു. അത് ഇന്ത്യന്‍ സംസ്‌കാരത്തിന്റേയും നാഗരികതയുടേയും സുവര്‍ണ അധ്യായമാണ്. പുതുയുഗമാണ് പിറവിയെടുത്തത് അദ്ദേഹം ട്വിറ്ററില്‍ കുറിച്ചു.

https://twitter.com/AmitShah/status/1290931820331073541

ഇന്ത്യന്‍ സംസ്‌കാരങ്ങളെയും മൂല്യങ്ങളേയും സംരക്ഷിക്കുന്നതില്‍ നരേന്ദ്രമോദി സര്‍ക്കാര്‍ ശ്രദ്ധ പുലര്‍ത്തുന്നുണ്ടെന്നും മതവും വികസനവും ഒത്തുചേര്‍ന്നാല്‍ തൊഴിലവസരങ്ങള്‍ സൃഷ്ടിക്കപ്പെടുമെന്നും അമിത് ഷാ കൂട്ടിചേര്‍ത്തു.